اه يابنات والله مره متاثره من الى صار البارح احياننا اضحك واحياننا ابكي
امس صار زواج ولد واحد من جماعتنا وابوه صديق ابوي من زمان
وهو عزم اهلي ولزم عليهم وجو فديتهم من الدمام
الزواج بفندق وتعرفون دورات مياه الفنادق لابد فيها من الاصددام
طبعا خواتي مايطيقون حمواتي بسبب الي سواه فيني وحمواتي مايطيقونهم بعد
خواتي حجزو كوفيره دلتهم عليها صديقه اختي والله مشاء الله شغلها خراااااااااااااافي
وانا سويت نفسي لاني الحمدلله اضبط الميك اب والاستشوار
وخوات زوجي سوتلهم كوفيره
سبحان الله قبل يومين يقولون لي وش بيسون خواتك شكلهم بيتوهقون مايعرفون شي لانهم نادر مايحضرون زوجات بالرياض اكثر شي بالدمام عندهم
والله العظيم تعالو شوفو نظرتهم لما دخلو خواتي مع الباب خواتي :oمكياج روعه فستاين الحمدلله مرسومه رسم على اجسامهم وخاب ظن خوات زوجي توقعو يشوفهم متبهذلت مع السفر
المشكله موهنا^^^^
امسكوني خوات زوجي ونظرت وتحقيق وش عرفهم بالكوفيره اكيد انتي دالتهم؟؟؟؟وام زوجي تقول دامك تعرفين كوفيره شاطره ليش مادليتي بناتي عليها والابس تبين الزين لخواتك
وانا والله مالي دخل قلت صديقه فلانه هي الي دالتها ورحت طاوله امي والبنات
العرس كان طق وتعرفون المدح لازم قطوعه 200 ريال
انا نادوني حمواتي قالو ماجبنا فلوس نسينهاسلفينا واذ رحناالبيت بنردها لك
قلت خلاص اعطيت اخت زوجي 500 ماجبت الاهي قلت رجعي لي الباقي لاني بطلب شوط باسم ابوي وبرقص انا واهلي
قالو طيب
والله العظيم طول الليل وهم يرقصون مره مدح لبوهم ومره لامهم ومره لهم ومارجعو لي ريال بالله مو حركه سخيفه
كله علشان لا ارقص مع خواتي
وش سوت اختي العوباء الي بالثانوي تكلمت علي لمتى وانتي كذا يادنيا متى تصحين والله اني استحي اني اختك ؟؟؟؟
دايم تنزلين راسك لهم وخذت فلوس من امي وراحت للطقاقات وقالت ابي دق موطبيعي ومدح لبوي وياريت تطولون بالمدح ولايهمكم الفلوس
تعالوشوفو الطقاقات :icon28::icon28::icon28:
وفلان لاتخلونه ومدري وش
ماشفت الا اختي ماسكتني قومي ارقصي وانتي رافعه راسك وقمت ورحت مع خواتي المنصه
والله مشاء الله تبارك الله
وشوي عينكم ماتشوف الاوخوات زوجي طابين معنا هم وصديقاتهم الجو طلع زحمه :09:
الدعوى تخريب
وانانزلت مااحب الزحمه
واخواتي انجنو ليش تنزلي وانااقولهم الموضوع مايستاهل لاتكبرونه
اختي الي اقولكم باقي ماانطحن الحب الي فراسها
طول الليل وهي تفرسهم بعيونها:mad:
امي تقولها عيب وانا مافيه فايده
جت ام المعرس ونادت باسمنا شوط خاص وطبو خواتي وامي وانا
بعد العشاء رحو خواتي دوره المياه يضبطون نفوسهم وتجي حرمه وتسال اختي الكبيره انتم بنات فلان؟؟ قالت ايه اشرت على اختي الي بالثانوي هاذي متزوجه والا مخطوبه قالت لا وكان بدوره المياه اخت زوجي الصغيره واشوفها راحت لامها والله العظيم ماشفت الاعمتي راحت للحرمه الي تسال عن اختي وقعدت معها على الطاوله وهي وياها يطالعون فينا
بعد العرس رحنا بيت جدتي وخواتي بقلوبهم شي مايعلمه الا الله وجات عمتي وبناتها<<<<ياصبر الارض وشوله لحقينا مدري
قال ايش اشتاقو البنات لجدتهم طيب وينهم عنها من زمان والاماحلت لهم الالما جو خواتي
ويدخلون خواتي بقسم لبوي دايم يجون فيه اهلي اذ جو الرياض وشوي يجون خوات زوجي تاركين قسمهم لخواتي
غرفنا مكيفها ع الحار الدعوى انتم عارفينها
قالت اختي الغرف كثار وش معنا غرفتنا
قالو كذا بيت جدتي زي موهو بيت جدتكم
وكلمه من خواتي وكلمه منهم
انا سحبت نفسي من الغرفه واخذت بنتي ورحت لامي
والله ماسمعنا الاالبيبان تصفق والصياح :icon28:
جيت ركض انا وامي الاعماني الثنين الصغار يفرعون بين اختي الي بالثانوي واخت زوجي يقولون انا حماتي كبت العصير على اختي لماردت عليها واختي خذت الببسي وكبته عليها >>>والله فوضى
وقمت كل وحده تجر شعر الثانيه
امي مسكت خواتي وخذتهم غرفتها واختي تنط وتوقع ماني طالعه من غرفتناهم الي جونا وتاخذفراشها وتروح لغرفتنا وتطفي اللمبه وتنام وسطهم تقول من طلع من داره قل مقداره وهاذي دارنا وغرفتكم هناك يالله الغرفه تعذركم
لاتحسبوني فلانه قصدها( انا)
تراني فلانه اوديكم البحر وارجعكم عطشانين
ونامت وانا وامي نلطم ونولول:icon28::icon28:
والله بتجي في راسي انا وامي تحلف باختي تقول خلينا نروح بيتنا والله لا وريك فيها هاالبنت لاتستحي ولاتختشي
واختي زعلانه مني تقول متى بتصيرين قويه؟؟؟؟
وخوات زوجي نفس الشي زعلانين مني؟؟؟
والله العظيم ماودي هالي صار صار
بس وش اسوي مدري القاها من مين والا من مين
المشكله لاحد يوصل السالفه لزوجي والله لغير يدوشني انتي السبب وانتي مدري ايش
تكفون بنات ادعو لي الله يعدي هالسالفه على خير
بس
الدنبا غدرن بي @aldnba_ghdrn_by
محررة برونزية
يلزم عليك تسجيل الدخول أولًا لكتابة تعليق.
. اختك مآ ألومهآ , امآ اهل زوجك !!! حركآت مرآهقين غريبين صرآحه. اختك مآ ألومهآ , امآ اهل زوجك !!! حركآت مرآهقين غريبين صرآحه
اناادري انها معذوره بس والله ودي انها سكتت ع الاقل احتراما لامي ولي مو علشانهم
koka44 :
لاحوووووووووووول الدنيا وكل مافيها بنروح ونخليها الله يهدي النفوسلاحوووووووووووول الدنيا وكل مافيها بنروح ونخليها الله يهدي النفوس
والله انك صادقه
الصفحة الأخيرة
اختك مآ ألومهآ ,
امآ اهل زوجك !!! حركآت مرآهقين
غريبين صرآحه