يسعـــــــــــد صباحكم يااحلى منتدى :19:
كيفـــــــــكم؟إن شاء الله تكونوا بخير..
يابنات احترت كثير بموضوعي وقلت مافيه غير اخواتي بمنتدى عالم حواء يساعدوني ويرشدوني وش اخذ من الميك اب وادواته كلها.
انا دائما مااكتفي بلوكي مسكرا. وعدسات وواقي شمس وروج
اما في المناسبات الكبيره الله يخلي لي الكوافيرات..مايقصرون
بس الحين انا متملكه وزواجي قريب إن شاء الله..والوضع تغير لازم اكون على علم بكل ادوات الميك اب..منها اتزين لزوجي ومنها اكيد بطلع زيارات
المشكله انا اكبر خواتي وبصراحه ماعندي خلفيه بالميك اب وماركاته الحلوه
ابيكم تساعدوني يابنات وش اخذ منه وش اخلي وايش الضروري فيه؟
لان كلها فتره وبجهز لزواجي إن شاء الله...
ابي اعرف وش احسن ماركه بالمكياج وشهو الميك اب اللي يصلح للاستخدام اليومي يعني احطه عند زوجي :confused- من اساس وبودره ويكون ناعم وخفيف
وشهو الميك اب الثقيل اللي يصلح للمناسبات..وش احسن كحل جاف ومايسيح بالعين يعني يكون ثابت وفاحم لان دائما مايتعبني الكحل انه يخرب علي الدنيا ويعفسني معه..وش احسن كحل سايل ومن وين اخذ ماركه الارواج اللي تكون الوانها حلوه وثابته والبلاشر والاضاءه وش اخذ لون واللمعه ومخفي العيوب
وقلم الحواجب واقلام الكحل الملونه..القائمه طويله لو بقعد اعدد فيها بس وربي يابنات مااعرف فيها شي..كله بس اسمع فيها
وبرايكم يابنات وشهي احسن نوعيه للعدسات الملونه..
الله يوفقكم ويسعدكم ويرضا عليكم دنيا واخره..بنتظار مساعدتكم يالغوالي وابشرن بدعـــــــــــواتي الصادقه لكم..
هذا الموضوع مغلق.
الصفحة الأخيرة
مافي ماركة هي الأحسن.. السؤال كيف احط الميك أب بأساسياته الصحيحة هذي القناه رائعه:
http://www.youtube.com/playlist?list=PLA681761009B5F212&feature=plcp
وهذي تعلمك فنون الميك اب بس طبعا هي ماهره تغير ملامحها بس عندها الاساسيات مره ممتازه:
http://www.youtube.com/user/dope2111?feature=chclk
وايضا اذا كنتي عازمة على التعرف على الميك اب شوي شوي رح تتعرفين على منتجات تحبينها من ماركات مختلفه وتخصينها بالشراء من هنا وهناك من أرخص شيء الى أغلى شيء
صعب كل يوم تحطين اساس وبودرة كذا تتعب بشرتك وتكتمينها يوميا..
افضل شيء ميك اب يحدد ملامحك الطبيعية: مسكرا كحل ناعم كونسيلر اذا عندك هالات روج يعطي شفايفك لون طبيعي ممكن تضيفين بلش خدود كريمي يعطي تأثير طبيعي اكثر..
الثقيل اللي تبدين تحطينه بتقنيات الميك اب العاليه: يعني تبدين بمرطب ثم برايمر ثم اساس ثم تغطيه خفيفه باستخدام الفرشة الكبيره تحطين البودرة " بخفه"
هذا بتجاربك انتي مع الوقت تعرفين.. لأن في بنات دمهم حار وبشرتهم حارة مهما حطوا من ماركات غالية الى رخيصة سايح سايح.. لكن في حركة ممتازه ممكن تساعدك يثبت الكحل.. ارسمي الكحل وبعدها بالفرشاه المشطوفة الرفيعه مشي فوقه شدو نفس لونه كذا يثبت اكثر.. أو ترسمي خط رفيع بالشدو وفوقه ترسمي الكحل.. كذا بودرة الشدو تثبت الكحل اطول فتره ممكنه
فيه سائل سائل وفيه كريمي اللي يسمونه آي جل لاينر.. سائل عندك لانكوم من الماركات الغالية/ ريميل من الماركات الحلوه المتوسطة أما الجل كل الماركات عندهم وانتي جربي
بالنسبة لثبات الروج فالارواج انواع.. شي منها كريمي ناعم جدا وهذا يحتاج تجديد في الوضع وشي اسمه مات اللي ثابت اطول ساعات ممكنه.. موجودين النوعين في كل الماركات وبرضه استخدام قلم تحديد الشفايف في تلوين شفايفك قبل وضع الروج يثبته اكثر..
البلشر سهل تلاقين انواع جيده .. عندك M.A.C برضه NYX موجود في لايف ستايل-سنتر بوينت
الاضاءه فيه أكثر من خيار: اضاءة بينيفيت من سيفورا اذا انتي فاتحه خذي البيجي اذا بشرتك غامقة خذي المشمشي، اضاءة ريفلون سكن لايت، ماك عندهم كريم كلر بيس
كونسيلر العين "مخفي العيوب" خذي من ماك بس كنصيحه لان الكونسيلر مسأله حساسة خذي معك علبه صغيره وحطي لون اقرب لبشرتك ولون اغمق من بشرتك شوووي وروحي الحمام وجربي شوفي ايهم يغطي بطريقة طبيعيه اكثر.. طبعا فيه مخفيات عيوب ملونه يعني اخضر وبنفسجي وبرتقالي انواع هذي للي بشرتهم تعبانه فيها حبوب حمرا او شحوب او بقع غامقه.. تتحط على المنطقه المعنية مع الفاونديشن
قلم حواجب عندك ريميل للاستخدام العادي او للمكياج الخفيف، وعندك تاتو عصار من ميك اب فور ايفر لميك اب السهرات، اقلام كحل ملونه خديها من الماركات العادية برجوا وماكس فاكتور وريميل وحتى الكشكات..
عدسات تراي كلر ممتازه لانها مخصصه للعيون الغامقه بتكون جدا طبيعيه كنك مش حاطه عدسات..
أخيرا احفظي هالصوره بجهازك
لأنها تعلمك بأماكن الاضاءه (بالابيض) واماكن التحديد (بالبرونزي) ..
طبعا لما تطبقينها تكون بلمسات مخفيه ما ينتبه لها الناظر لوجهك يادوب شي بسيط يعطي تأثير طبيعي
اتمنى افدتك