بنات شو الحل ؟؟؟؟؟؟؟

هلا حبيبتي noor_uae
بالنسبة للشعر إللي يطلع على الذقن والرقبة
مالج إلا الليزر وخصوصا إذا كان الشعر أسود وقاسي .
لأن لا الحلاوة إتفيد ولا الخيط ولا الشمع .
صح إنها طريقة مؤلمة شوي ، بس عادي الويه بعدين يتعود على الليزر واتصير العملية سهلة .
وبالنسبة لي أنا فأنا سويت ليزر في مركز سباثيرا في جميرا .
ولأني أنا زبونة دايمة عندهم فهم يسوون لي الجلسة الوحدة للوجه والرقبة ب ( 500 ) درهم
أما إذا كنتي أول مرة إتسوين عندهم فالجلسة بــ ( 700 ) أو ( 750 ) درهم والله ما أتذكر .
وهو يخلي الويه صافي وأبيض .
والسواد يختفي تدريجيا ، بس أهم شي المواظبة على الجلسات .
وعلى حسب نوع الشعرة إذا كانت سميكة وايد فعدد الجلسات يكون بين ( 6 ) إلى ( 8 ) جلسات ، والشعرة إتطيح يا بعد أسبوعين أو بعد الجلسة الثانية إللي إتكون بعد أسبوعين
بس هذا كل شي .