أنا أحبني @ana_ahbny

عضوة نشيطة

بنات شو نقدم للبنت يوم نسير نخطبها لولدنا؟

مساكن الله بالخير بنات حواء :)

بنات عندي طلب صغيرون
الوالده بتسير عند ناس و بتخطب و اهم موافقين و حنا بعد عايبتنا البنية
و لأن الالمواقف هذي ما مرت علينا
اتمنى تعطونا من خبرتكم

نبى نعرف يوم نسير نخطب لخالنا شو ناخذ ويانا ؟ شو الهدية الي لازم ناخذها لهم؟
للبنت و لا لأهلها ؟ دبلة الخطوبة على طول و لا شي مثل ساعه او طقم ذهب؟
و منو عندها افكار حق تغليف الهدية و ايييييييييييييييييييييي شي ثاني غاب عن بالي اكتبوه
يزاكن الله خير ساعدونا محتاسين
و عقبال ما ادخل اهني و ادور الشور عن العرس :icon28: :icon28:

يلزم عليك تسجيل الدخول أولًا لكتابة تعليق.

تسجيل دخول

جلاله الملكه • 17 سنة

اذا انتي من السعوديه مثلي
احنا لمن نروح اول مره لااهل العروس بعد مانكلمهم في التليفون ويوافقون ناخذ هديه بسيطه اي شي عطر او ساعه
المره الثانيه والي هي بعد مانحدد النضره الشرعيه نخلي العريس ياخذ معه اسوره او سلسله
ذهب او الماس بس تكون عليها القيمه
اما لااهلها ما تاخذون شي يعني بس الحلا او البيتفور الي تروحون فيه عند كل الناس بس يوم الملكه والزواج تعطون ام العروس هدايا طقم او قلاده

تلفون خربان • 17 سنة

احنا تقريبا نفس جلاله الملكة..
باختلاف اننا ما نعطي لام العروس شي ..

أنا أحبني • 17 سنة

تلفون خربان :

احنا تقريبا نفس جلاله الملكة.. باختلاف اننا ما نعطي لام العروس شي ..

احنا تقريبا نفس جلاله الملكة.. باختلاف اننا ما نعطي لام العروس شي ..

هلا الغاليات
حنا من الامارات و تقدرين تقولين من قطر بعد

بالتالي ابى اعرف شو يسون الناس يوم يخطبون
بالاضافة الى ان الولد ما يبى يشوف البنية عادي عنده على وصفنا و واثق انها بتعجبه

يعني الخطبة رسمية و بدون شوف
هل المفروض ناخذ خواتم ويانا؟؟ يعني دبل الخطوبة مع سلة الشوكولا

انشودة المطر** • 17 سنة

يمكن انتم غير ..

احنا يخطبون عادي بدون شيء ..

واذا وافقت وتم كل شيء وبعدها يعقدون الملكه ..

هنا تبدا الهدايا وتشمل زوالي وزاد للبيت ويكون كااااااااااامل من الى ..

غير طوايق الاقمشه الفخمه .. وشنطة العروس اللي ماينقصها شيء ..

هذي عندنا حنا البدو ..و

واللي تميزنا فيها عن كثير من الناااس ..

M!ss Hawaa • 17 سنة

اختي اول مره تروحون تخطبون رسمي بعد الموافقه المبدئية تقدرون تاخذون معاكم صينية شوكلاته باتشي او اي نوع حلى علية القيمة وبيوم الشوفة ممكن يقدم لها هدية قيمة ياساعه الماس او عقد او اي شئ تحبون