انا مطلقه وعندي ست بنات الصغار عندي في ثالث ابتدائي والروضه ووحده سنتين وهم موجودين عندي حاضناهم
والبنات الثلاث الكبار عند ابوهم ثاني واولى ثنوي ووحده ثالث متوسط .وهم مراهقات
اول اما كنت متزوجه كنت حاكمتهم انهيهم وامرهم وما يخرجو الا باذني وانتو عارفين الام
والان خرجو من يدي ما صارو عندي ونسيو اني امهم ولي امر وسلطه عليهم ...ابوهم اول ما يدورلهم ابد ابد .والان نفس الشي ماهمه شي المهم يجبلهم اكل ولبس وهم فرحوبها عيشه صارو يسوو كل شي على كيفهم ما يصلو ويلبسو بناطيل واغاني وفالينها على الاخر اما البنت الكبيىره هي اساس موضوعي هذا واساس البلا
في خضم مشاكل الطلاق اكتشفتها تكلم واحد .نصحتها وخاصمتها ووعدتني ماتسوي ورجعت واكتشفتها وهزئتها وموتها ضرب وفي الاخير حضنتها وفهمتها وقلتلها كل شي وثاني يوم بالضبط لقيتها تسوي نفس الشي طبعا ذا كله ولسا البنات كانو عندي قبل ما يمسكهم ابوهم بعدها كلمت ابوها برساله وريته فضايح بنته وقتله خذ بنتك عندك لانها صايعه المهم مسكهم كلهم عنده وصارو يزوروني زياره .وقعدو عنده مده واكتشفت انها مسويه حساب بالاستقرام وتكلم شباب ووريت ابوها برسايل طبعا ما سوالها شي
وانا قلبي يغلي منها لما يجو عندي ماالقى فرصه اتفاهم معاها هي وخواتها بالاخص هي بيت اهلي كله اذان
المهم البنات صارلهم فتره ما يجيو لانهم مقتدين باختهم الكبيره لما تخرج يخرجو معاها المهم جو وما اجت معاهم اختهم الكبيره قمت ارسلتهلها وجت تكلمت معاها في موضوع الاستقرام بس ما برد قلبي جا خالي ورحت معاه المجلس شويه قامت وقالت مروحه قالولها خواتها تبغى تروحي روحي بعد وانا قلتلها نفس الكلام من قهري منها بعد ماراحت ارسلتها تجي مارضت دقيت على جوال ابوها وكلموه اخواتها انه خلي اختنا تجي ماما تبغاها قال ماهي جايه وانتو روحو.......البنت مستقويه باابوها اللي ما يردها ولا يكلمها على فعايلها اللي زي وجهها
ببساطه البنات ميخدين راحتهم على الاخر مداشاره على كيفهم .ويجو عندي كانهم ضيوف ومايبغوني امرهم وانهاههم ونسيو اني امهم ولي سلطه عليهم
انا الان مقهوره بناتي تفلتو مني راحت سلطتي وهيبتي وقبل كل شي ضاع حرصي وتربيتي طول السنين وفوق كذا صارو يخافو من ابوهم ويسمعو كلامه اكثر مني مع انه مااحتكو به كثير ولا عاشو معاه كثير كان منعزل عنا هو وشغله ما يدريبنا بس يرمي اللقمه وخلاص الان يداري عنهم ويمنعهم مني ومتحكم فيهم ..انا ساكنه ببيت اهلي ماعندي خصوصيه ...ويوم كانو بناتي عندي كان يمسك الصرفيه عنهم وبنفس الوقت يكره خوالهم ما يبغى بناته عندهم
انا محتاره انا بدوامه بناتي مراهقات
وبالاخص الكبيره صايعه بايعاها قويه وجريئه ومسويه انها شخصيه وواثقه من نفسها ومحد في راسها وكل شي عندها عادي وجت عندي بسواده وجههها وهي فالها وتضحك فري عندها الوضع محد معبي عينها وما هي مسويه لي اعتبار اني زعلانه منها وقلبي محروق منها
بالله ايش اسوي معاها هاذي الحيوانه والمصيبه انهم خوالها وخالتها دارين انها قليلة ادب وصايعه .بس هي تحلي نفسها باسلوبها وثقافتها وشخصيتها اللي مسويه زي الستار على لعانتها

doba hazina @doba_hazina
عضوة جديدة
يلزم عليك تسجيل الدخول أولًا لكتابة تعليق.

في القلب دكراهم
•
ادعي لها بالصلاح ما فيه مثل دعوه الام واستودعيها الله


Dreams :
•
لاحول ولا قوة الا بالله ، الله يسخرهم لك ويسخرك لهم ويرزقك برهم ويبلغك فيهم وماشاءالله تبارك الرحمن عليهم بالبداية ابنبهك على شئ ونعم الام ونعم التربية ولكن الفاظك نوعًا ما قاسية وغير جيدة ( لعانتها .. ) ابتكلم لك عن نفسي انا مراهقة وتقريبًا في سن بناتك الكبيرات اتمنى اني افتخر بأمي تكون قريبة مني ويكون بالها طويل وتكون صديقتي المقربة اقول لها كل شئ هذي امنية كل بنت وحتى لو كنتِ بعيدة عنها حاولي تبدأين انتِ تكلمينهاهاه كيفك حبيبتي كيف المدرسة شدي حيلك ادعي لهم دئمًا الله يسعدك ياماما الله ينور دربك الله يبلغني فيك انتي واخواتك داعية او دكتورةاو مهندسة حاولي تذكرين لله كثييير بالاستغفار والتسبيح، اساس مشكلتك ومشاكلنا هيي اننا مانشكي لربنا اذا استقام حالنا مع الله استقامت حياتنا تعاملي معاهم باللين

اللي يده في المويه مو زي اللي يده في النار
كيف اسوي اللي قلتي عليه وهم مو عندي ..اقري كلامي زين ..واصلا ما وصلها ذي المواصيل الا عشان اعطيتها الثقه مره ومرتين وثلاث وفي كل مره تغدرني وتخدعني لانها عارفه اني طيبه وعلى نياتي واحبهم ومخاوياهم اكثر من الازم ...اصلا من زمان معذباني ولساتها صغيره
ومو كل شي حبيبي وطبطبه في امور ما ينسكت عليها بالمره امور تمس العار والشرف ..مااقول الا حسبي الله ونعم الوكيل
كيف اسوي اللي قلتي عليه وهم مو عندي ..اقري كلامي زين ..واصلا ما وصلها ذي المواصيل الا عشان اعطيتها الثقه مره ومرتين وثلاث وفي كل مره تغدرني وتخدعني لانها عارفه اني طيبه وعلى نياتي واحبهم ومخاوياهم اكثر من الازم ...اصلا من زمان معذباني ولساتها صغيره
ومو كل شي حبيبي وطبطبه في امور ما ينسكت عليها بالمره امور تمس العار والشرف ..مااقول الا حسبي الله ونعم الوكيل

أسفه
•
زوجيها لو جاها اي عريس يارب يرزقها وتخلصي منها
ولا اقولك اكذبي عليها حتى تتكلمي معاها
قوليلها جاك عريس وأهله بيشوفوكي ويسالو صحباتك عنك والعريس عندو ملايين يبغى وحده تحفظ القران جزءاو جزءين فاذا ما كنتي اكيد ابدله على اختك بس حرام انتي الكبيره ونفسي افرح فيك
ولا اقولك اكذبي عليها حتى تتكلمي معاها
قوليلها جاك عريس وأهله بيشوفوكي ويسالو صحباتك عنك والعريس عندو ملايين يبغى وحده تحفظ القران جزءاو جزءين فاذا ما كنتي اكيد ابدله على اختك بس حرام انتي الكبيره ونفسي افرح فيك
الصفحة الأخيرة