بنات صج المراخ يفيد في تعديل وضع الجنين او انزاله بالحوض لتسهيل الولادة؟؟

والله ما عندي فكرة

بس أحس خطر عالبيبي أحد يحاول يلعب بوضعه اذا مو طبيب متمرس و تحت اشراف طبي و في مستشفى
لان لا سمح الله يمكن يصير أي شي يكون الوضع مستعد للتدخل فورا

الله يسهل لنا و ما يحيجنا لكل هالاشياء

انا خالتي في نفس اليوم للي تمرخت فيه.....ولدت

خصوصا لو كانت المراخة ثقة ...و معروفة ما في خوف

سارونةالمزيونة ..مشكوره عزيزتي على الرد ..وانا بعد افكر مثلك ..لكن شفت وحده نصحتني امترخ وتقول هي امترخت وعدلوا لها وضع الجنين ..وتقول وايد من معارفها لازم يمترخون وتكون ولادتهم سهله جدا والله اعلم

هلا اختي كبرى ..فيه وحده كبيره في السن يمدحونها ..والصراحه ماادري اجربها لو لا..هي في سترة

الغالية جولد ستار توني اليوم كنت أسأل عنك في ملفنا افتقدتك

ان شاء الله تكونين بألف خير يارب

حبيبتي أنا ما أنصحك بالمراخ حتى لو كانت الوحدة شاطرة ومعروفة

وحدة من صديقاتي امترخت تقريبا مع موعد ولادتها عند مراخة معروفة في البحرين كلها كم ساعة وسبحان الله جاها الطلق فرحت البنت وراحت تولد ويوم توسعت 2 سم قالوا لها البيبي كلش تعبان ولازم نتصرف وولدوها قيصري

تخيلي ليش .؟
والله حتى الدكاترة استغربوا من اللي شافوه الحبل السري كان ملتف على رقبة البيبي 5 لفاااااات والله ستر ما اختنق البيبي سبحان الله حفظه وطلعوه بسرعة وحطوه في العناية تحت الملاحظة .

لذا ما انصح بالمراخ .

خليها على الله ووقت ما بيجي الطلق بيجي علمه عند رب العالمين .

ربي يسهل لك ولنا .

أنا سمعت نفس اللي سمعتيه بس موبشرط يضبط مع كل وحدة ونصيحة لله لاتغامرين.