متااااااااااااااابعه

عسى الاخوات يفيدونك

أقول ماعليك من أحد طبيعي مسوية عملية لازم الوجه أصفر:)

أنتي بس جيبي خلطة الجليسرين والجليسوليد

أخلطيهم ودهني جسمك فيها يومياً قبل تنامين !!

ولوجهك ورقبتك جيبي عسل طبيعي وخليه على وجهك فترة 15 دقيقة مع الاسترخاء


وعليك بالرقية لأن النفسية من كآبة ارتفاع الهرمونات والنفسية التعبانة تبان عالوجه ..

ووسعي صدرك وكلي زين وأشربي سوايل ساخنة ..

وبعد النفاس بيخف ألم بطنك بإذن الله بس لازم التغذية عشان تخفين .. وترجعين عروس ..

بعد النفاس
قصي شعرك واصبغي ومكياج خفيف كل يوم وغيري قمصانك ومفارشك وبس لا تعقدين نفسك تراني مثلك بعمليتي الأولى وندمت تعبت نفسيتي ولا اهتميت من رهبة العملية أول مرة وماعاد أنام ولا أهتم بالطفل والله اني ندمانة هالحين ترا العملية ما تسوى كل هالهم !!

ولا تكثرين تفكير بكلامها تراه بيتعبك زيادة والأزواج يختلفون :arb: ..

الله يقومك بالسلامه

حبيبتي ولا يهمج

العملية أول مرة دايما تسوي جذي
اكتئاب و تعب و الوحدة مو طايقة نفسها

بس مع الوقت راح ترتاحين و يخف العوار شوي شوي

الحمام المغربي ما فيه مشكله منو قالج ما يصير؟؟؟ طبعا لا تفركين مكان العمليه حيل بس مسح
وباقي جسمج فركيه عدل عشان السواد يروح

دلكي نفسج بزيت اللوز المر و خليج فيه نص ساعة قبل لا تدخلين البخار و شوفي الوسخ اللي ينزل!!

سوي صنفرة لجسمج و بعد الحمام ادهني جسمج بنشا و ماي ورد عشان يصك المسام بعدين شطفيه بماي دافي

بعد الحمام دهني روحج بزبدة كاكاو أو جلسرين و نشفي شعرج عدل و دخلي فراشج

وجهج سويله تنظيف بشرة و استخدميله كريمات تفتيح و سويله صنفرة و هالله هالله بالرقبة اشتغلي عليها صنفرة و كريمات

لا طلعتي من الشر مسحي تحت بقطنه فيها مسك مذوب بماي (من القرشي) و طبعا تكونين رايحة الصالون و مسويه القص و الصبغ و راح تصيرين عروس

نفسيتج راح تتحسن وايد لما تدهرين بعمرج و تحسين نفسج صرتي أحلى

والعلاقة مع زوجج لا تحاتين أحسن ما في القيصرية ان ماكو خياط من تحت فما في تغيير بس انتي اذا ما لج خلق للموضوع زوجج باذن الله يتفهم نفسيتج و انج محتاجة وقت

بس صدقيني راح تصيرين أحسن :)

كلامي من تجربة مريرة صارت ذكرى الحين كلما تذكرتها ضحكت على نفسي شلون بس أبجي
بس أحلى مافي التجربة ان الاكتئاب خلاني أنحف 20 كيلو بشهر :)
و هذا ما تكرر معاي مرة ثانية :(

طولت عليج بس لانج فتحتي ملف قديم

الحمدالله على السلامه و ديري بالج على نفسج

اذا كان جرحك بعده مابرى فلا تتهورين باي شي

ممكن تنشغلين او تدهرين بعمرش على قولتكم وبعدين تنتكسين بعد النفاس وتجيك حمى النفاس والعياذ بالله

انت من حقك ترتاحي اربعين يوم

اربعين يوم اقضيها بالراحه والنقاهه

عليك بشرب العصيرات واكل الخضروات والفواكه و استمري على الفيتامينات

وبعد ما تحسي انك ارتديتي وصارت صحتك زينه كلها كم يوم اعملي فيه لوك جديد وتحني وتزيني

المهم الحين ارتاااااااحي قد ما تقدري