السلام عليكم ورحمة الله وبركاته
ياهلا والله بكل من دخل موضوعي
بما ان اليوم الاربعاء فاكيد ان البعض منكم محتاره ايش تصلح حلى عشان تسير على اهلها او قريباتها او مناسبه لها
ماراح اطول عليكم
اليوم حصلت طريقة حلى مره حلو وسهل ورايق بعد في احد المنتديات قلت ليش ما اسويه واعرضه في منتداي الغالي فبدات بعمله وصورت جميع الخطوات لكم حبيباتي عشان يكون سهل عليكم وانتم تصلحونه
طبعا مقاديره سهله
وهو يتكون من مجموعات
وهذي صورة المقادير كلها
وهي عباره عن
بسكويت شرائح شوكوليز
علبة قشطه
بسكويت اوريو
شعيريه باكستانيه
حليب نستله مركز
حلاو مالتيزر
والحين نبدا بالمجموعات
هذي صوره شرائح الشوكولاته وللمعلوميه مالقيته الا عند المحمصه مالقيته في هايبر بنده ولا العثيم
وهذي صورة حلاو المالتيزر الحجم الكبير لاني احتاج لكميه كبيره منه
ابداء اجهز اغراض الخلطه الاولى
وهي عباره عن ( بسكوت اوريو + قشطه )
اول شي اكسر بسكوت الاوريو واخلطه في طاحونة المولنكس حتى يكون ناعم مثل الصوره
ونخلط البسكوت مع القشطه حتى تتكون عندنا عجينه متماسكه مثل الصوره
الحين نجهز الخلطه الثانيه وهي عباره عن ( شعيريه باكستانيه + حليب نستله مركز )
نكسر الشعيريه ونخلطهم مع بعض حتى يتداخل الحليب المركز في الشعيريه مثل الصوره
الان نجمع جميع اغراض الحلى كلها في مكان واحد
يتبــــــــبع
اول شي نحضر حبة بسكوت
ونضع عليها قليل من خلطة الاوريو والقشطه
نفرد الخلطه باطراف الاصابع وتكون اصغر من البسكوت حفاظا على الشكل
نضع عليها خلطة الشعيريه الباكستانيه والحليب المركز
واخر شي نزينها بحلاو المالتيزر واضغطي عليها شوي حتى تتداخل مع الخلطات
والحين لك حرية الاختيار في تزيينها انا ربطت البعض بشريطه والباقي تركته مثل ما هو
وبالعافيه على قلوبكم جميعا
وهذي صور من تزيينها وعرضها لكم
اتمنى انه ينال على اعجابكم ولا تحرموني من دعواتكم وردودكم المشجعه
قحطــــــانيه مـــــــــاركه
:27: