بنات صوتوا تبوك ام الطايف / تم الرد

السلام عليكم 
اهلا بكم عزيزاتي 
اتمنى انه تصوتوا لاحدى هالمدينتين  تبوك ام الطائف 
اخواتي انا اصلا من الغربيه سكنت حيث مقر عمل زوجي بتبوك ولي فيها قرابة 16سنه حبيت المدينه صراحه بكل ماتعنيه الكلمه وقبل عشر سنوات قدمنا على صندوق القرض العقاري واسم زوجي في السره الحين ارسلت لنا وزارة الاسكان بتحديد المنتج طبعا اخترنا المنتج وتوكلنا على الله واختيارنا  تبوك على حسب مقر عمل زوجي الحين زوجي تقاعد طبي يعني بالمختصر المفيد خلاص تبوك معد لنا فيها شيء وحنا نبغى القرب من اهلنا في الغربيه لكن اجواء جده ماتخارج معنا لاننا عشنا عمر في جو تبوك وانتم تعرفون الفرق ففكرنا وقلنا مالنا الا الطائف يمكن اجواءها حلوة وشبيهه بتبوك الحين  حنا في حيره هل ممكن يوافقوا لنا على تغيير المدينه اولا لانه انا ودي بالطائف لقربها من اهلنا ولاعتدال جوها سالت زميلات لي في تبوك اصلهم من الطائف سبحان الله مدحوا لي تبوك ويقولوا تبوك احلى من الطائف بحكم انه فيها زيارات وطلعات الى الفجر بعكس الطائف اللي  تفتقر لزي كذا طبعا هذولا البنات من الطائف بس عايشين بتبوك علشان اعمال ازواجهم 
فقلت انا مالي الا الله تعالى ثم تصويت بنات منتدايا الغالي صوتوا لاحدى  المدينتين واذكروا لي الاسباب الله يعطيكم العافيه