بسم الله الرحمن الرحيم
السلام عليكم ورحمة الله وبركاته
اليوم ياسلمكن الله اشتهيت اخش المطبخ اسوي غدا
لكن لقيت الطباخه باديه جعلها العله<<<<<دايم تدقمني
المهم اصررررررريت اني افقع مرارتها
والجمعه اليوم العائلي في بيتنا <<<<<<<طوليتها يالنشبه
سويت صينية خضار قد سويتها مره وحده من قرررررن
لكن والله صينيتين بايركس اكبر حجم تبارررررررك الرحمن مابقى منهن شي
والله ماامدااااااااني اصورها حتى
لكن وعد
بس اكررها اطق الصور
واليكم الزبده
جزر يقطع طول الاصبع ولا يكون عريض ولا سخيف
بطاطس كما سبق
قرع كما سبق
بيذنجان كما سبق
كوسا كما سبق
هذول تقلى بالزيت مو شرط يتحمر بس يستوون ((((ماعدا القررررررع)
))
اتركيهم على ورق نشاف
وجيبي التاوه
انا استخدمت حقت الاكل الصيني السوده الكبيره
حطيت فيها بصل جوانح
ثوم مفروم صغير
زنجبيل مفوم صغير
وعليهم شوي زيت وملعقة سمنة فارم او زبده
واحمسيهم ززززززززين
ثمن حطي عليهم القررررررع
وحطي
فلفل اخضر (انا حطيت حار واحد مقطع صغار)
ثمن بهريها
كركم
فلفل اسود وابيض
مكعب ماجي
بهارات الكاري(العلبه الخضراء اللي عليها سفينه)
ملـــــــــــــــح
وملعقتين اكل خل ابيض
حبق ناشف
اوريغانو ناشف
واحمسيهم الين يستوي القرع (ماينهري )
ثمن حطي عليهم المقاااااااااااااالي
وخليهم يتسبكون شوووووووووووي الين تجهزين التغطيه
الي هــــــــــــــي
في خلاط الكاس
علبة قشطه
3 ملاعق اكل مايونيز
6 حبات كيري
نص علبة القشطه مـــــــــــاء
ملـــــــح وفلفل ابيض
حطي الخضار في الصينية وغطيها بالخلطه
وابشري عليها جبنة موزريلا
حطيها بالفرن شوي من تحت اليييييييييين تغلي غلوتين
وقبل التقديم شووووووووووووي من فووووووووق تحمير بسيط
وقدميها مع الخبززززززززززززز وشرحات الليمون وشطه
والف صحه وعااااااااااااااااااافيه
ولا اوصيكن بالردوووووووووووود
ولا تحطمووووووووووووني اذا مكرره
ولا ماعاد اطبببببببببببببخ <<<<<<احلفي
جونا 42 @gona_42
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
وجااااااااااااااااري الحفظ للتطبيق