بنات ضايق صدري من الكلام اللي سمعته ادخلووو ريحوني ابنفجر

في البدايه حسبي الله ونعم الوكيل علي من ضلمني ي رب من اردني بسوء او بخراب بيتي فاشغله في نفسه ي الله ي جبار يامتين


اخواتي في الله وربي ضايق صدددري السالفه هي ام زوجي ربي يجازيها حرمه تحب الشرر وتحب التحكم

وربي اني طيبه ومسالمه وفي حالي لكن هي ماتبي تقصر الشر

انا طبعا ساكنه عندهم هم تحتي وانا فوق الموهيم بنتي في اول ابتدائي يوصونها الصباح معاهم وكمان الظهر يرجعونها معاهم

تخيلووو كل مانزلت بنتي لهم استلموها تحقيق ام سوت لك فطور ؟ خير يعني معقوله بروح بنتي المدرسه من غير فطور قت ماعليه يمكن من حرصهم عليها مع اني ماضن بس اهون علي نفسي شوي

طبعا بنتي تطلع من المدرسه علي وقت غداهم قيقلون لها تغدي معنا قبل لاترقين

وانا زوجي من النوع اللي مايهتم لوجبه الغداء ديما يحب اسويه عشا متاخر فاتعودت علي كدا وهو مرتاح وانا بعد مرتاحه

بنتي امسس طلعت وطقت الباب انا ساعتها كنت تعبانه فيني دوخه وفقر دم متعبني كنت نايمه الكلام هذا حدود الساعه 2 الظهر

اتصل ابو زوجي يهاوش انا مو مستوعبه السالفه يقول قومي افتحي للبنت راقيه للحالها !!

وربي ي بنات فيني الضحكه يعني احنا في الدور العاشر كل اللي بيننا درج وباب يعني وش يبي يجيها الاسلوب الحوار كان سئ اقلها تكلم بهدوء

قلت ي بنت رجال كبير في السن لاتهتمين

الحاصل ان اليوم بنتي وانا اذاكر لها قالت ماما جدتي اللي تحت مسكتني وتسالني امك تسوى غدا ؟؟

وانا قلت لها ايه تسوى كل يوم

انا وقتها انقهرررت خير وش دخلك اسوئ ولا مااسوئ هاالامور خاصه بيني وبين زوجي ماحد له دخل

بعدين هذي حياتي مااحب احد يتدخل فيها

والله مو بعيد عنها تروح تسال بنتي امك تنام مع ابوك ولا لا ؟؟


بنات وربي انقهرت وصحت من الضيقه يكفي معاملتهم الشينه وبعد يتيلقفون

ويتتبعون حياااااااتي


لكن هي عندها بنات اسال العزيز القدير ان تشوف في بناتها مثل ماتسويه فينا من تسلط ومن تحكم ومن تدخل ومن تتبع لحياتنا


اللي بتجي ترد رد مو زين بقولها حطي نفسك مكاني وعندك ام زوج متسلطه ورجلك من امثال الرجال اللي ماله اي شخصيه بعدين ردي

وياليت تقولين خير ولا تصمتين


اتمني ردودكم اخواتي مالي الا الله ثم انتوووو ريجووووني الله يريح بال من دخلت موضوعي وردت علي

ويحقق لها ربي كل ماتتمناه ويسعدها في الدارين ومارح انساها من دعوااااتي:06: