بنات ضايق صدري من سالفه ودي افضفض لكم ومهمومه منها

بسم الله الرحمن الرحيم
يا بنات انا مشغول بالي بسالفه والله ما اقدر اقولها لاحد بس راح اكتبها عشان ارتاح وابي اسمع ردود افعالكم
عندي خالتي اخت امي من امها وابوها الله يهديها ويهدي بنتها
يابنات خالتي وبنتها قاعدين يضيعون ويسلكون طريج مو زين
خالتي طالبه الطلاق من زوجها وساكنه بشقه هي وبنتها وولدها الصغير وطبعا زوجها قال مو مشكله اطلقج بس اقعدي بالبيت وانا اطلع بس هي رافضه لانه بيته بجانب بيت اخته وكذبت على امها الي هي جدتي وقالت نفسيتي مو زينه من البيت وجذي وشرولها بينت وبنت خالتي تطلع مع شباب وتكلم شباب حتى والله تطلع بلبس مو زين وامها تدري وانا ادري انها طالبه الطلاق وطالعه من البيت عشان تاخذ راحتها هي وبنتها بالطلعات
والمصيبه انه خالتي دخن زقاير وهذا الشي صدمني يابنات والله اني افكر بهالموضوع على طول ومتعبني وما اقدر اقول لاحد

والي يقهر اني طيبه معاهم حييييل وهم ناكرين الجميل معاي وانا بصراحه مالي لسان وهم يظلموني جدامي ولو ارد ياكلوني بلسانهم لانه لسانهم طويييييييل ومحد يقدر عليهم

والله يا بنات اني اشوف سوالف بنت خالتي واسمع عنها واستر عليها وهي جدام جدتنا تظلمني وتقولي ليش انتي تعامليني جذي وتكلميني بنفس وانا والله اكلمها عادي بس هي عشان تكسر خاطر جدتي وجدتي على طول واقفه معاها

وبقلبي اقول اااااه لو تدرين عن هذي الي انتي واقفه معاها

والله يا بنات اني ما اقصر معاهم وكلامها معاي زين بس من تشوف جدتي تقلب علي وانا ما ارد


والله يا بنات انه ابوها معاهم زييييييين بس هي وامها يبون طريج ابوهم ما يرضاه

تخيلو يا بنات وهي قاعده مع بنات تسب ابوها وتقول عنه كلام مو زين
وهي ترد عليه ولسانها وصخ معاه بس خالتي تمثل انه زوجها ظالمها ويضربها هي وبنتها وهو يضرب لاسباب تستاهل الضرب

انا احاول اسحب نفسي من بنت خالتي واخلي علاقتي فيها محدوده بس هم فيهم طبع والله يا بنات وربي الي خلقني انهم يمشون مع ناس وبعد فتره يكرهونهم ويطلعون عنهم كلام

والله انهم يجلسون مع ناس ويسولفون ويضحكون وبس يروحون يتكلمون عنهم بكلام مو زين





والله بنت خالتي ما يبين بعينها الطيب الي اسويه معاها


حسبي الله ونعم الوكيل



وهذي هي السالفه وابي اعرف ردودكم