بنات ضروري الله يخليكم .. هل يجوز الدعاء بطول العمر ؟ وهل تجاب الدعوة ؟

السلام عليكم ..

كل عام وانتو بخير ..

بنات عندي سؤال جاوبوني الله يريح قلووبكم ان شاء الله ..

اليوم بابا الله يحفظه لي ياا رب ويطول لي بعمره .. قال لي كلام غريب ..
مو اول مرة اسمعه بس هالمرة أثر فيني بقوة والله اني قاعدة ابكي الحين بطريقة مو طبيعية ..

قال لي يا ......... ،، لا تنسين تدعين لي .. انفجعت بصراحة وقلتله يبا ما احب هالكلام ..
قال لي الموت علينا حق واذا مات ابن آدم انقطع عمله الا من ثلاث ........................ او ولد صالح يدعو له ..

بنات الجملة بابا قالها زمان كم مره وكان قلبي ينقبض بلحظتها بس بعدين انسى الموضوع ..
ليش هالمرة خوفتني هالقد ..

وهل اذا دعيت له الله يطول بعمره ويخليه لي دعوتي مستجابة ولا كل انسان وله عمر محدد

تكفوون جاوبوني بسرعة ..