بنات ضروري علاج ابو وجه

بنات ياليت تقولون لنا اذا تعرفون وحده جاها
كم قعد فيها هالمرض
البنت مرره متحطمه :(

اختي الصغيرة صار فيها قبل كم سنة


العلاج ماتشوف النور تغطي وجهها اختي كانت حتى بالبيت منقبة والاكل يكون بملعقة والعصير بالماصة ودايم تسوي تدليك دائري للوجه امي جابت جلسويد الاحمر المدور وقرت عليه وكل يوم ندهنها وندلكها مليون مرة لازم ماتمل وتدلك وجهها كثير وتبعد عن البرد وتتدفى عليه وكل مغرب او بعد العصر ترقى وتنفث عليه


اهم شي تتعالج منه لايبقى لها اثر ولو ماتبي الاثر لازم تحرص على اللي قلته مع التدليك والبعد عن الرز والمعكرونة والنشويات واهم شي اهم شي البعد عن الزعل والضيق


اختي لله الحمد تعالجت بدون اثر


عمي وولد عمي صار فيهم وراح لكن باقي اثر لين الحين عمي فمه يميل وعين وحدة ترمش ولد عمي على خفيف


اختي استمرت شهر على التدليك وكانت تروح للعلاج الطبيعي وهالنصايح وراح لكن اختي كان حظها حلو لانه صابها وهي صغيرة وعضلات الصغير الين وتتعدل اكثر

قاعدة اكتبلج واسال امي امي تقول تعبت مع اختي لكن الحمد الله تعالجت الموضوع يبي صبر

امي تقول بعد كانو بالمستشفى يجيبون مطارة يحطون فيها ماي حار ويحطونها على خدها ويحركونها خفيف ويغطونها وبعد يجيبون ثلج بفوطة ويدلكونها عشان ينشطون العضلات لانه بالاساس شلل عضلات الوجه



حبيبتي اي طلب انا جاهزة او استفسار واذا مارديت عليج معناها ماشفت الموضوع نبهيني برسالة خاصة وربي يشفيها ويرفع عنها يارب

تسلمين حبيبتي متلعوزه
طيب بسالك اختك كم كان عمرها
صديقتي فوق العشرين اخاف يبقى فيها اثر : (

لا حبيبتي ان شاء الله مايبقى اثر بس تبعد عن الضيقة



اختي كانت بثانية ابتدائي



امي تقول خليها دايم تسوي حركات بفمها وعيونها يعني تفتحه وتسكره ترمش وتفتح وتغمض تميل فمها عكس الشد لو شاد وجهها يمين تميله يسار


والاهم محد يضايقها اللي يبقي الاثر العبوس والضيق لازم تكون عضلات وجهها مبتسمة مرتاحة وهي لازم تكون قويه ومتفائلة انه راح يروح عنها