اسكتي ان كلمتيه قالك اهلي واهلي خلهم يرسلونه لين ينهلك هو بيطفش منهم بعدين

اي والله
لا انا لاحظت شي خصوصا خصوص(ا عيال البدو ولا اعممم ) واحد تخيلو بموقع برنامج يقول انا مااشوف الحريم شي ولا اراهن شي ويقدسون اخوياه واباءهم واصدقاءهم
يااخي اللي مايحترم الحريم ويبعيهن الحرمه ماتراه شي الخلابس
ادري ردي شطحه بس مندبله من بعض الرجال
بالنسبه لك زوجك طرطور اهله هذا نوعيته الى الان ياخذ فسحته من اهله حرام عليه اللحيه والشنب
لا وابوه واخوانه يسنعونك اخخخ بس هذا انا لو منك بعته بريال ورحت لاهلي
طيب سوي شي اعترضي ناقشيه تلحلحي قولي انت جب اغراضنا
وابوه خلي احد من اخوانه الصغار الفاضين يامرهم بس يتسلط على المتزوج عشان مرته !!!
ياالوحده تتزوج رجال ياتقعدلا في بيت اهلها لاتتورط ببزران مثلي ويجيها الهم والغم

تقولكم يوفر اغراضها ومو مقصر يابنات
بنوته
معليه حبيبتي
لاجاك لاتزيدين عليه ادعي له
لاجاك قوليله جعل اللي تسويه يسوونه عيالك لك ولي يارب
جعل ككل نقطة عرق لرضاهم باجرها
جعل عيالك يحرفون فيك
وشوفي وش بيكون رده
حبيبتي عمرك ماراح تكونين اهم من امه وابوه
انتي مميزه لانك ام عياله وشريكة حياته
ومعه عالعسر واللين
شفتي ميزتك
انتي غير وامه وابوه غير


زوجي بلقمته زي زوجك يقوم
تدرين الحين وش يسوي ابوه يموت بالاكل معاه
اول يقوم زي كذا
يقوله ابوه تعال اكل معنا وخالي مايدري انه يتغدا الشهاده لله تعرفين وش يسوي
لاني ماقول له شي
ولان خالي يطلبه اذا مالقا احد حوله يعني يبي احد يوانسه
صار ياكل شوي عند ابوه ويجي يكمل معاي يرضيني
او العكس
لين الحين صار اذا اكل يقول لابوه تغديت يابوي الله يكثر خيرك ويدعي لابوه وابوه يدعي


مادري انا اعطيك من تجربتي مادري عن اهله
وياحبيبتي عمر البر مايحتاج لعطيه من الاب ولاميزه ولاشيخ
هذا جزاه فووووووق عند رب السماوات والارض
لاتنتظرين حتي الشكر منهم حتي لو تذمر كوني انتي له بوجهه معليش هذولي اهلك اذا مانفعتهم من ينفعهم
اذا اخوانك كل واحد ماسك يده ومتبطح وانت تبي تشيل يدك
اجل ليه هم جابو عيال وربوهم وكبروهم




رجاء اي وحده كلامي مايعجبها لاتخصص اقتباس وترد علي تطرح رايها بعيد عني
صاحبه الموضوع اذا رايي غثك وزاد ع قلبك
ولايهمك كنك ماقريتي

يحوفون*

يا جوليا الله يصلحك صار الي بار بوالديه ومايرفض لهم طلب طرطوور؟؟؟وياخذ فسحته والله عيب من جد


انا ماتكلم من مثالية لاني بوضع أسوء من راعية الموضوع زوجي هو االمسؤول عن أهله من مراجعات ومن تمشيات ومن مشاوير
حتى شغالتهم يدقون عليه بأي وقت يجيب لها شحن ...
وأم زوجي لو دقت ولا رد


تجلس تطق باب البيت ودايما لأسباب تافههه
عشان تطلعه ...
لكن انا كل هذا مايهمني


اذا هم ماتدخلو بحياتي وهو ماقصر معي وقايم بطلباتي ليش اتدخل بينه وبينهم وبين خدمتهم