بنات طلبتكم شورو علي يااخواتي

السلام عليكم ورحمه الله وبركاته
كيفكم بنات وش اخباركم والله مالتجئت اليكم بعد الله سبحانه وتعالى الا لاني احبكم واحسكم خواتي
المهم يالغلا بدخل بلموضوع على طول انا الله يسلمكم تزوجت واحد ارمل ووالله انه طيوب وحبوب
واهلي مره حبوه المهم سافرت وياه لان اهلي بلجنوب وسكنت بجده المهم اول ماسكنت جلست يمكن قرابه الاربع شهور ماانزل عند اهله الا لما اسلم عليهم واحنا ماشيين ونطلع يعني ببتي كافيه خيري شري مااروح لااحد قام قالي ابو الشباب ليش انتي ماتروحين لااهلي وتزورينهم ليش تحسسيني كنك زوجتي القديمه الله يرحمها كانت ماتزورهم الا بلقطره جلست افكر وقلت صح هو عنده حق والله يابنات بعدها بديت ادخل فيهم وازورهم واقوم بعزايمهم وحفلاتهم ويوميا انزل عندهم حملت وولدت وسميت على ابوه وجيت من عند اهلي لاني ولدت عندهم وجو زاروني المهم ابوه اللي هو عمي اقسم بلله دخل بيتي يسلم على ولد ولده وهو رضيع واعطاها فلوس حق الولاده واللحين لي سنه وسته اشهر متزوجه مادخل بيتي ولا عمره سال عن حفيده اذا لقاه عندهم سلم ومشى مالقاه عادي مايفرق وامه وخواته اقسم بربي العظيم مايخشون بيتي نهائيا اذا جاييني ضيوف من قبيلتهم جو عشان يشوفون الناس انهم يجوني بمجرد مايطلعو الضيوف يطلعو اذا زارتني اختي عشانها ساكنه معي بنفس المنطقه جو عشان تشوفوهم انهم يجوني واللحين اهلي جاييني من الجنوب واكيد بيجون اشتكيت لزوجي وقلت مو معقوله اهلك مايجوني الا اذا فيه عندي ضيوف لا وبعد الضيوف ماجوني الا ثلاث مرات خلال سنه وخمس شهور واختي اذا جتني مو دايم يجون قالي زوجي ايش اسوي لاعاد تنزلين عندهم وخلاص بس حسيت زوجي تضايق لانه بلمره مايرضى على اهله بس الظلم حرام وانا عندي كرامه حتى حفيدهم مايسالون عنه جاء اهلا وسهلا ماجاء مع السلامه يموت يمرض ندخل مستشفيات محد يرفع السماعه يتطمن علينا انا وولدي سافر زوجي مكه انتداب اسبوع اقسم بلله محد دق بابي قالي ناقصك شي تبين شي لا وعلى كذا كل شوي يدقو الجرس البنات الصغار خواته نبي زيت نبي ملح جيبي سكر عطينا اكواب وهم ماشاءالله عائله جدا غنيه ومستواها عالي وامه ماشاءالله تطلع واخواته بعد مدري وش اسوي دلوني بنات وشورو علي الله يخليكم انا تعبت من التفكير وراسي يوجعني