بنات طلب عن البطاطس المتبلة بقشرتها

تقصدين Potato Wedges أو غيرها ؟؟؟؟؟

هلا حبيبتي
أنا أقصد بطاطس Wedges أو أي نوع بطاطس يكون متبل قبل القلي ومجمد
وجزاك الله خير إذا تعرفين الطريقة تقولين لي يا عمري

ياهلا فيك

شوفي تقصين البطاط نفس طريقة التفاح ، يعني بقشره والحجم اللي تبينه بس يفضل صغار.. وبعدين تسخنين زيت على النار وتحطين فيه بهاراتك مع الفلفل الأسود ، وتاخذين هذا البطاط وتحمسينه مع البهارات لمدة بسيطة بس علشان ياخذ نكهة البهارات وشوي يلين (ديري بالك مووايد) وبعدين تشيلينه وتحطينه في بايركس وتدخلينه الفرن لين مايستوي بس لاتغطينه خليه مكشوف علشان يقرمش ... وإذا نشف حاولي ترشينه زيت وأهو داخل الفرن ... وإذا حبيتي عليه جبن رشي عليه مازوريلا (واي شهيتيني ) المهم وبألف عافية ... خبريني بالنتائج الطيبة إنشاءالله .

نسيت لاأقولك .. بعد ما تحمسينه مع البهارات تقدرين تثلجينه في الفريزر ... وبعدها تقلينه أو تدخلينه الفرن ..

جزاك الله خير ياعمري ما قصرتي
وإنشاء الله بسويه وردلك خبر

:cook: