بنات عاجل الله يرضى عليكم بخصوص مدارس المنار

السلام عليكم ورحمة الله وبركاته


بخصوص مدارس المنار الاهليه بالرياض صارت لي مشكله معهم بخصوص الرسوم كان الباص 1500 بالسنه الدراسيه بس هالسنه بنهاية السنه قبل شهر تقريبا ارسلوا لي اشعار انه راح يزيد الرسوم الى 2000 ريال بالعام القادم

لما رحت ادفع الرسوم حسبوا علي 500 زياده يقولون انو الباص 2000 وانو انتم موقعين على اشعار العام الماضي بنفس الوقت هذا بس انا مااتذكر وبعدين دام اننا موقعين وشوله يرسلون مره ثانيه هالسنه

زوجي له كذا اسبوع يروح لهم والمحاسب يتهرب كل يوم يتعذرون انه موب موجود واليوم كلمته ولقيته موجود حتى مديرهم يقول كل يوم موجود
لما كلمته عن الموضوع قالي ححاول الاقي لك الاشعار مع انه المفروض يكون بملف الطالبه صح والا لا
انا حاسه ان فيها تلاعب ونصب واحتيال عادي ادفع لهم بس اتاكد ماابيهم ينصبون علي وكاننا اغبياء مانتعب انفسنا حتى نفكر ندفع وبس (الله يسامحني ان كنت ظالمتهم)

بنات من صار معها كذا ياليت تفيدوني:44:
واي جديد راح ابلغكم ان شاء الله...

وشاكره لكم...