لا تستعجلين بقرارك أستخيري وبعدين تطلبين الطلاق عشانك ماتقبلتيه كثير من البنات ماتتقبل زوجها الا بعد الزواج بمدة واوضح انك متضايقة عشانه بيسافر مع أخته
هو رايح رايح معها ان زعلتي او رضيتي وسعي صدرك وتعوذي من ابليس كل الناس تجيهم منغصات لكن ماتوصل للطلاق
لاتتوقعين انك اذا تطلقتي بتستانسين وتفرحين .
الله يريح بالك ويسخركم لبعض.

حبيبتي ترا اول سنة في الزواج صعبة وتكون الوحدة حساسة وكل شي يشيلها ويحطها..وتحسين نفسك كارهة الزوج والبيت وكل شي لان الوضع جديد عليك .. بس نصحية حبيبتي ترا الرجال المتزن والي ماعندة خرابيط عملة نادرة في هالزمن . انتي شوفي فية بنات متحملين ضرب واهانة وشرب وعلاقات وبلاوي كلة علشان ماتتطلق وانتي تتطلقين بسب بسيط وماينذكر بصراحة.. كبري عقللك واكسبي زوجك وانبسطي بحبة لك وساعدية وخلك بنت سنعة واصيلة وربي بيعوضك ان شاء الله ويفتح لكم ابواب الرزق

موفقة

الله يسخركم لبعض

حبيتي ابقولك على شئ مهم ,,
ترا احساسك طبيعي جدا ,, يعني انت تعيشين مرحلة تخبط وهذي معروفة في سنة اولى زواج ,,
يوم تبين تتطلقين ويوم تبطلين وتحسين انك تحبينه ويوم قرفانه منه وكارهته ,,
معليش اصبري على نفسك تراها فتره وتعدي وكثير جدا مروا فيها ,,
بعدين راح توصلين مرحلة استقرار في عواطفك ومشاعرك ومع الوقت راح تكتشفين انك فعلا تحبينه وماراح تستغنين
عنه ,,
فقط اذا عرفتي ان هالشئ طبيعي ومروا فيه كثير راح ان شاء الله تعرفين كيف تتعاملين مع نفسك ومع علاقتك مع زوجك
بس اهم شي لاتبينين اطلاقا لزوجك هالمشاعر المتضاربه وراح تمر على خير وتصير من الماضي ..

السلام عليكم
اختي الكريمه .. انا متزوجه لي سنوات ومريت بظروف كثيره وصبرت والحمد لله ..
شوفي زين زوجك صبروا اهله الي شهر يعني كثر الله خيرهم .. ان اخته طلبته بعد شهر من زواجكم .. انا والده زوجي قالت ابروح معكم في سفر عرسنا .. :(
ويطقني الهم انا قلت لها الله يحييك وزوجي رحب بالفكره .. بس ولو انا داخليا اقول ليه ما تخلي لنا خصوصيه .. بس شكلها قالت لاحد او لوالد زوجي خصوصا والد زوجي فاهم .. وقالوا لها لا لا تتروحين معهم مهيب زينه عرسان اتصلت علينا قالت تراني هونت .. :)
المهم انا فرحت وبينت لها اني ودي تجين معنا تنوسينا وبس .. وسعي صدرك يا اختي ..
وانا لي زوج وعنده اخوات بس المشكله اخته الكبيره كل ماجت من برا الرياض زوجها عندها وتطلب من زوجي يالله ودينا كذا ودينا للمحل االفلاني ونبغي السوق الفلاني .. وانا اذا قلت ابغي السوق قال امشي معهم وانا احب الخصوصيه .
بس صبرت وما اقولك والله زوجي كامل او طيب بزود بتعامله معي لا بس الانسان يصبر وبالاخير يلقي نفسه ربح نتيجه صبره تخيلي اخته اللي تجي من برا الرياض الآن نادرا مما يوديها يقول خلاص وديناها بمافيه الكفايه تقول لولدها يوديها لان ولدها كبر .. :)
يعني ست سنوات يصبر ويربح .. احسن من الطلاق ترا الطلاق هم غير طبيعي ..
اختك
ام عبدالله