تحسبي الدعوه لعب ؟؟

لازم في البداية تحسي انك منتي متقبلة زوجك
أنا كدا مالي شهرين وفكرت بالطلاق فوق الـ15 مرة بس ارجع واقول الله يسخر لي زوجي ويسخرني له لان عيون الناس ماترحم
والحب يجي مع الوقت اول كنت احس اني مراح احبه والآن يوم اناظر فيه وهو نايم جنبي اقول ياحبي له الله لايحرمني حضنه

معليش اختى بس انتى فاهمه الزواج غلط ورربي اوجعنى قلبي وانا اقرا مشكلتك انا قلت اكيد انه يشرب ولا داشر ولا جاف معك اول ما قريت العنوان اثارى السالفه روحه وجيه ؟!؟؟! طيب هو قالك تعالى وما قصر ورايته بيضا وانتى الى عييتى وش يسوى بالله ؟؟؟ انتى قلتى انه مطفر اذا انتى يا زوجته ما رعيتيه من بيراعيه بنت الجيران؟؟؟
بعدين مافيها اى شي انه يودى اخته ترى هذى اخته يعنى عايش معها اكثر ما عاش معك وهي بحاجته يعنى عااادى ...

صدقينى انتى ما تدرين وشو الطلاق ولا تعرفين وش عقبات الطلاق اجل تتطلقين من واحد مدلعك ويبيك عشان روحه وجيه !!!
ياما بيجيك من نكبات و هوشات و حاله وكلها يبي لها صبررررر اذا من اول سالفه مالك الا شهر تبين تتطلقين اقولك الله يعينك

معليش اذا لهجتى شوى قاسيه بس موالله من قهرى تحسبون الطلاق سهل :(

من قرائتي لكلامك
انتي مشكلتك انك ما تعبرين عن مشاعرك، يعني ما تقولين ابي اروح، الحين هو سألك و انتي قلتي لا خلاص لا يعني لا، تبينه يحب رجولك؟؟ انتي عبري ان مشاعرك، و الله المرأه ما تاخذ شئ من رجلها الا بالطلب او الكلام بالاسلوب الحلو طبعا بس قصدي ان رجلك ما يعرف انتي وش تبين اذا ما عبرتي و قلتي انا ابي كذا و اصريتي بعض الاحيان
الله يهديك بس و الله السالفة سهلة، الحمدلله ما فيه خيانه و لا شئ كبير
و نصيحة اذا عطاك فلوس لا ترجعينها له، خوذيها لك و خبيها معك، ترى بعدين ما عاد يعطيك

يابنت الحلال هونيها وتهون وترى الرجال مايفهمون بالتلميح لما قلتي لا اعتبرك رافضه ويمكن هو بعد انجرح ويحسبك ماتبين تروحين معه واخته ..