سبق وقرأت عده عضوات يشتكون من النصب عليهم بتأجير الشغالات عن طريق مقيمه يحولون لها فلوس وبعد التحويل تاخذ الفلوس وماترد عليهم وكلها حركه نصب وأكل أموال الناس بالباطل ,للأسف ومن المحزن أن هالنصب تجاوز حتى وصل لبنات بلدي ,شكل وحده قرت قصه السودانيه مع العضوات وأعجبتها حركه النصب وقامت ونشرت إعلانات بالمنتدى عن تأجير شغاله ب 3500 ريال المهم دقيت على الحرمه كذا مره وماترد وأرسلت لها رساله وماردت إلا اليوم الثاني وقالت خلاص دقي ونتفاهم ,دقيت عليها وماترد مره مرتين ثلاث أربع ,بعد نصف ساعه أرسلت معليش الجوال عالصامت دقي علي ,دقيت كذا مره ماترد ,طبعا كنت محتاجه جدا للشغاله بسبب ظروف ولازوجي قال الحرمه شكلها تلعب وتبي تبتزك وأنا من داخلي غير مرتاحه بس قلت يابنت خلينا نشوف نهايتها ,دقيت وردت وقلت لها أنا بالرياض وقالت بأي حي وذكرت لها الحي ,وسألتها عن حيها وذكرت لي مكان قريب منه ,قلتلها خلاص أبوصف لك البيت وتجيبينها لحد البيت ونهايه الشهر تاخذين فلوسك ,قالت لا أنا طريقتي معروفه تحولين لي فلوس عشان الحجز لأني أخاف توهقيني ,قلت يابنت الحلال أنا ظروفي صعبه ومادقيت إلا وأن محتاجه وراح أوصف لك البيت وعمل زوجي وأعطيك ضمانات تضمنين حقك بشكل رسمي لكن تحويل مستحيل أحولك لأنه سبق وعضوات من المنتدى حولو لسودانيه وأكلت فلوسهم ,قالت أنا سعوديه وموسودانيه ,قلت حتى ولو أنا مااعرفك هل سبق وأحد جربك وهل فيه ناس لهم تجارب معك ؟؟؟؟ قالت أنا دايم أنزل دعايات بالمبوبه ,قلت المبوبه عادي أي أحد يقدر ينزل فيها بس انا ماأقدر أشتري منك سكر مذوب بمويه ,كيف أثق فيك وأنا ماأعرفك ؟قالت أجل روحي دوري على الي تثقين فيهم :talker: قلت يالله أجل بروح أدور مع السلامه:2thmup:
حبيت أذكرلكم القصه لأنه فيه بنات ياحياتي من الحاجه يحولون وهم غير متأكدين وهذا سهل لضعاف النفوس إستغلالنا ,صح أنا محتاجه لكن مستحيل أسمح لأحد يستغل حاجتي ويستغفلني وحسبي الله و نعم الوكيل بأي نصابه تستغل حاجه الناس وظروفهم .
ديما الكريمه @dyma_alkrymh
عضوة فعالة
يلزم عليك تسجيل الدخول أولًا لكتابة تعليق.
فـوفـى
•
مشكوره على التنبيه
الصفحة الأخيرة