بنات عالم حواء ضايقة من الخاطر وعرسي باقيلة ثلاث ايام .

كيفكم بنات عالم حواء
الموضوع وما فيه اني ضايقة من الخاطر تعبانة اكلمكم والدمعة في عيني . صارلي ليلتين ما نمت فيهم،والحين احاول انام ما قادرة من الضيق اللي فيني.
يمكن يكون الموضوع في نظركم بسيط بس احسه كبير بالنسبة لي ومب شوية.
ملجت من شهر ، ولا كلف عمره يسال عني ولا حتى اتصل وعرسي بعد يومين .هذي المشكلة الاولى .

المشكلة الثانية واللي قاهرتني واللي خلتني ابجي وابجي من الخاطر انه كان مقرر يسافر وقالي اخوي انه بيسافر ، وكل وحدة من ربعي تسألني بتسافرون اقولها ايوه ، وجهزت شنطة السفر، أمس يقولي اخوي قالي انه ما بيسافر ، والله تميت اصيح وما كلمت حد من اهلي وامس طول الليل ما نمت الين الفجر , واليوم احاول انام ومب قادرة والحين الساعة قربت على الوحدة وما نمت يعني شكلي بواصل سهر الين الفجر يعني يومين ما نمت فيهم ولا ساعة ، كل ما احطي راسي على الفراش احاول انام احس بغصة في صدري ، والم في راسي والدموع في عيوني ، احس باحراج من الموقف اللي سواه وياي ، وخصوصا اني قلت لربعي اني بسافر وعندنا كل اللي يعرسون يسافرون حتى اللي حالتهم المادية اقل من مستواه ، ا موقفه بالمرة مب عاجبني ، قاهرني والله اني خايفة من حياتي معاه إذا هو من البداية بهذي الطريقة .اخاف يقولي بعد ماشيء طلعة .
إذا حد سهران معاي يواسيني