طيب انا عن نفسي اشوف ان عربية الضيافه تنفع للملكه
اكثر من واحد من اخواني تزوجوا وجهزوا عربياتهم بالشيء الفلاني وواحد منهم كان شكل عربيته يشبه عربية الضيافه مررره
العربيه لازم ملك ماينفع اجار
وبعدين سعر 3500 للعربيه الجاهزه من الى ..
بس مااعرف كيف عاداتكم

من رأيي اشتريها فاضيه وانتي جهزيها افضل وتختارين الاشياء اللي تبغين تحطينها فيها
وترى سعر عربيات الملكه فاضيه مو كثير تقريبا سعرها 400 ريال ويمكن اقل وانتي اسألي عن ارخص الأماكن يمكن تلاقي اماكن في البلد تبيعها ارخص مو يمكن اكيد
وفيه اشكال ثانيه دولاب ومااعرف ايش اغلى

والله كنت عارضه دولاب ملكة خالو للبيع وكان اخو الجديد بالضبط وقلت ببيعه لأعلى سعر كانت وحده حتشتريه بـ 400 مع ان حقه الف وزياده
بس قدر الله اننا ننقل بيت ثاني وانكسر واحد من ابوابه لأنها قزاز
شوفي الموضوع في ملفي مو علشان تشتريه لأنو خلص ماحبيعه كذا واعتذرت من الاخت اللي كانت حتشتريه بس علشان تاخذي فكره

وربي يتمم لأخوك على خير يااارب

أنا مع الأخت اللي تقول عربية الضيافة تنفع للملكة بس ودوها مكان محترم يزبط تغليفها وتغليف اللي جوتها
وابعدو عن البابطين أشياؤه مصديه
وفعلا ماااتنفع ايجار بالمره
ساعتها أنتو عبوها بأشياء حلوه ومفيدة من جوا يعني عطور فخمة وعودة ومخلطات ولبان وشوكولا
واذا حابين فأنا في الخدمة

ملكه اخويه كانت قبل فتره وجبنا العربية من مركز عندنا في الجنوب يبيع ملابس وادوات منزلية رروعه طبعا نفس العربية تبع الضيافه السعر159 وزينتها بنفسى لون فوشى وفضى كانت ابداع بلا مبالغة والعربيه ماأنصحك تكون مستاجرة وماأعتقد أنفية مستاجرة وبل توفيق

نفس كلام الاخوات العربيه ابدا ماتنفع تكون ايجار لازم تشتروها واذا كنتي في مكه روحي عند دانيه اعتقد اسعارهم طيبه او شوفي في جده البلد واهم من شكل العربيه الاشياء اللي فيها اذا كانت مرتبه وفخمه حيطلع شكل العربيه واو حتى اذا كانت رخيصه

يا عمري عليكم ... والله ما قصرتوا

تسلمون على الردود الجميله وانا افكر انه حراااااااااااااااام خمسه الاف او حتى ثلاث الاف على ليلة غير الهدايا

والهدايا اهم شكلا ومضمونا
عززتو فكرتي اني اخذها عربيات ضيافة

وكمان فكرة البلد حلوه
وعجبتني فكرةالاخت اللي قالت ان العربية بدون زينه 400 ريال سعر معقول

تسلمو وجزاك الله الجنه

وياليت الي عندها اضافة او تعليق ما تقصر