الله يوفقك الجميع ويسهل أمورنا ولا يشق علينا الطريق ويجعله سهلاً

اللهم آمييييييييييين

السلام عليكم
كانت مقابلتي الاحد6/7 قسم رياضيات طبعا الافضل يابنات تجوا من بدري لانهم اصلا مايلتزموا بالمواعيد اللي تجي بدري تدخل بدري
المرحلة الاولى مطابقة اوراقك وتطلب منك صورتين للوثيقة مع الاصل وبطاقة الاسرة مع صورتين لها ونمذج موعد المقابلة
الخطوة الثانية المقابلة عبارة عن لجنتين لجنة التخصص وكانت اسالتها وش رايك في المنهج المطور وسألتني عن استراتيجية التعليم وعن علاقتي بالحاسب ومعرفتي باستخدامه في تخصصي
بعدين رحت للجنة العامة سألتني ليش تخصصتي رياضيات وهل فيه معلمه اثرت فيك ولو كان عندك طالبة تعاني من تأخر دراسي كيف تتصرفين معها
الخطوة الثالثة الكشف الطبي في مستشفى ابها العام تمرين عالعيادات كلها تختيم وانتي واقفة وتحليل للسموم ياخذون عينة بول اكرمكم الله والنتيجة بعد بيوم تاخذينها وترجعين للاشراف تسوين لك ثلاث ملفات وتكملين اجراءاتك
والله اسأل لي ولكم التوفيق والسداد
(سحابة صيف وشلون تحليل السموم دم وبول انا اخذوا مني بس بول تكرمون)

انا انقلش.. مقابلتي اليوم الاثنين 7-7 كان موعدي الساعة 10 لكن انا رحت بدري 7 ونص طبعا كل شي مرتب على طول اخذت رقم 25 نادوني بعد ثلث ساعة طابقوا اوراقي 2 نسخة من كرت العايلة و2نسخة من الوثيقة طابقوها مع الاصل ووقعوها قالوا أدخلي علي المشرفات طبعا رحت للتخصص انقلش اول سؤال interduce your self تكلمي عن نفسك وسؤال ثاني هل عنك خبرات سابقة وخلاص قالت روحي للمشرفة الثانية طبعا كل شي تمام المشرفات حبوبات ومتعاونات سألتني المشرفة عن كيف اقدر اتعامل مع طالبة متأخرة دراسيا قلت احاول احطها قدام علشان اركز عليها ولاأنسى الطالبات الأخريات طبعا باقي اتكلم قالت خلاص خلاص ابغاكي تجاوبي على هذا السؤال (هل تأيدين النقاش مع الطالبات) قلت نعم بس بحدود ما تتجاوزها اللي هي التطاول على الدين والوطن وكمان نكون لهم موجهات كأم وأخت هنا قالت أحسنتي ..طلعت واخذت ورقة الفحص والساعة 10 وانا بالمستشفى (ابها العام )ورحت للعيادات ووقعوا وختموا ورحت لمكان ثاني علشان تحليل البول فقط اكرمكم الله وما أخذوا دم وخلصنا بكرة ناخذ ورقة الفحص و نروح نكمل اجراءات ونشوف وش راح يقولوا ..مع السلامة خلاص انا مصدعة مرررررررة ورايحة انام اي سؤال انا حاضرة ..لا تخافوا يابنات بتضحكوا على انفسكم بعد ماتخلصوا والله يوفق الجميع

السلام عليكم ...قابلت اليوم والحمدلله انهيت كل شي في نفس اليوم حتى فحص المخدرات رحت لمركز السموم والكيمياء في النميص وختموه بدون ما ادخل عليهم ...صحيح رجعت لابها العام عشان توقيع المدير بس ارتحت من الرجعه بكره ..
تعالوا بدري تخلصون بدري ل تلتزمون بالموعد ..
طلبوا ثلاث نسخ من كل شي ..جيبي معك خبراتك ودوراتك صحيح ماراح تغير في ترتيبك شي بس يسالونك عنها لاضافتها في الملف ....خلصي تصوير قبل تروحين لهم لان الزحمه على الكوبير فضيعه ...
الاسئله للتخصص ...( كيمياء)
عرفي الذره ؟
مما تتكون الذره ؟
كم الكترون في مدارها الاول ؟

الاسئلة للتربوي ...
تكلمي عن نفسك ؟
كيف تكونين قدوة للطالبات ؟
مارايك في العمل التعاوني الاجتماعي ؟
ماهي خبرتك في الحاسب ؟

موفقين باذن الله ..