بنات عطونا رايكم

ياهلا ومسهلا بنواعم عالم حواء
وش اخباركم عساكم كلكم مبسوطين ومرتاحين


مالكم بالطويلة


ماتلاحظون ان امهات ذا الوقت غير امهات الحين في الشكل والعمر ومعاملة العيال لها

يعني امهات اول تلقينها وهي ام بزرين ثلاثة لابسة شيله ودراعة وكنها عجوز ام ستين سنة

وامهات الحين ماشاءالله تلقين عيالها تزوجو وهي لبس وحركات ودلع

طيب الزبدة


معاملة العيال للنوعين من الامهات هل هي نفسها ولا تختلف

مدري احس ان عيال ذا الوقت مايحترمون الام مثل الاولين >> طبعا بتقولون الوقت والتفتح وكل شي تغير

انا معكم مع العلم انا من النوع اللي اشد وارخي مع عيالي وقت الجد جد ووقت المزح مزح

مثلا عيالي لما يشوفوني لابسة ومتكشخة يقولون اخس اخس اخس بالمزح وش عندك

واذا قلت سلمو وحبو راسي قالو يوه مانعرف توك صغيرة نستحي << مع العلم اني اعودهم من وهم صغار


ولا بنتي اذا قلت روحي ذاكري قالت وانتي بعد قومي سوي شغلك >>>> الرد زاهب عندهم

واذا شافو جداتهم تعالوا شوفوا الادب تقولين مرشوشين بفليت <<<< علشانهم لابسين شيلة ودراعة

اقولهم ليش تسوون كذا معي ومعهم غير يقولون انت مو شكلك ام وهم اشكالهم امهات << استغفر الله


والله مدري هل تطورنا هذا في صالحنا ولا انا مزودتها حبتين مع العلم اني اتكشخ بما يرضي الله بدون عاري وتغنج

وودي اشوف ارائكم في الموضوع ولا تحرمونا ردودكم