بنات عطوني أفكاركم لحفلة التنكرية

هلا وغلا ..

انا امووووت بهذي الحفلات مرررررا تجننننن شرايكم تعزموني خخخخخ
شوفي حبيبتي مرا انا سويت ساحره وطلع رووووعه
ثوب الساحره انا فصلته حتى ان الخياط كان يضحك علي يقول اول مره افصل كذا
ولبست باروك ابيض واسود طوييييل وشريت قبعة الساحره والمكنسه
وركبت اظافر خضرا طووووووويله ولبست قلايد كثييييييره وحده من القلايد توصل الى ركبتي وشريت خواتم رجاليه من بو عشره اللي كلها فصوص كبيره
وحطيت شادو اسود وروج اسود وحبة خال كبيره على خشمي
طلع الشكل مرررررررعب بس مظبوط مررررا
ايه نسيت اقولك
لبست شراب احمر والثاني اخضر ومشقوق عند ابهامي يعني الابهام برا
والثوب مشقق عند الاكواع وعند الركبه
والاكمام طويله الى الارض واطرافها مشرشره
والثوب طويل من ورا ومشرشر
الثوب اسود وعليه قطع مرقعه من اقمشة الحريم العجايز وعليه هلال اصفر ونجمه ورقع كثير

ممكن تسوي قطوه زي هيفا وهبي في البرايم .. مررررا سهل ويجنن

وحده من صديقاتي كانت مسويه عامل نظافه .. لابسه اوفرول اورانج ولافه شماغ على راسها وبيدها مكنسه وكرتون اندومي فيه كم قوطي بيبسي وورق وجرايد
كانت تحفففففففه

وحده سوت احدب نوتردام
ممكن تسوي ام كلثوم مررررررررا سهل نظارات وايشارب وقضينا

ممكن تسوي راهبه او بنت من هاواي

اذا لقيتي الباروك حقت القاضي بيطلع روعه مع عباة تخرج وايشارب احمر

امممممم بفكر وبرجع لك

اي استفسار انا حاظره قلبو اقلها نرد شوي من جمايلك في قسم الانجليش

طالبه في مدرسه اجنبيه :تنوره كاروهات مكسره وقصيره الى تحت الركبه وكل ماقصرت كل ماضبط اللوك مع شراب طويل الى تحت الركبه وشوز على الارض وقميص ابيض مع ذيلين ونظارات طبيه ..... ولا اروع
أو عجوز بمقطع وجديلتين وذهب .. او د. مصريه نطارات كباااااار وتنوره مكسره وحطي صدر كبير (بالونات )وحجاب...
بيس انا اعجبتني فكره عامل النظافه مع الاوفرل الاورونج


القطوه ياليت توضحين
(اذا لقيتي الباروك حقت القاضي بيطلع روعه مع عباة تخرج وايشارب احمر )
( بنت من هاواي ) ...اكون شاكره لك لاني مفكره اجمع بنات خالاتي بحفل تنكري

شكرا حبياتي على الردود

هاااااااي ليدي نور ..

شوفي حبيبتي بالنسبه للباروكه حقت القاضي او المحاميين
عرفتيها اللي كانهم لافين شعرهم رولات
تلاقينها في توي لاند او الزامل
والبسي عباية تخرج او عبايه كتف عاديه والبسي عليها شال احمر زي المحامين والقضاه والبس نظاره طبيه

بنت من هاواي ..
يبيله شغل شوي
اشتري توب او بدي بيج لونه زي الجلد
واشتري سنتيانه خذي النوع اللي الكب حقه اسفنج وماسك حاله
واشتري ورد من بو ريالين
الورد خليه احجام والوان حلوه
الحين ركبي الورد على السنتيانه
والبسي السنتيانه فوق البدي

نجي للتنوره ..
تذكرين اغنية برشا برشا لصابر الرباعي
البنات تنانيرهم كانت كلها خيوط من القش وهذا تلاقينه في محلات الورد والزينه ورخيييييييص
اذا مالقيتي الخيوط القش خذي خيشة الرز او السكر وقصيها شرايط عرضها صبعين
الحين
جيبيلك حزام عريض وركبي عليه الخيوط وخليها طويله الى الارض او الى تحت الركبه بيطلع حلو عشان تبين الخلاخل
والبسي من تحت برمودا بيج الى الركبه عشان تضبطين اللوك
وحطي ورد حول راسك وسويلك اساور من ورد
وحطيلك خلالخل ورد
والله بتطلعين تحفه
ودايم اذا تبين تتميزين لازم تتعبين

وبالتوفيق .. واي سؤال انا في الخدمه

حلووة الافكار

ان شاء الله تفوزي يارب بس خبرينا ايش كان لبسك

بالتوفيق ياقمر