توكلي على الله

مادري احس ماراح تقدرون تستمتعون بالخرجات فيها .. اقولك ليش
انا حالياً ارد عليك من تركيا
نهارهم طوييييل بشكل وحلات الطلعات والخرجات بالنهار وكل شي بالنهار له طعم لأنك تمشين وتاكلين تمشين وتشربين ومع تعب المشي تظطرون تريحون بمقهى او جلسات عادية ولازم تبلون ريقكم وتاكلون شي لان الجوع شغال عالاربع وعشرين ساعه بسبب المشي خخخخخخ وغير النفس المفتوحة من الجنة اللي تمشين فيها يارب ارزقنا جنتك يارب
بالليل عندهم هدووء قااتل من بعد العشا ماعاد تشوفين مخلوق يمشي وحتى الاسواق تقفل عالساعه عشرة اللي هو وقت صلاة العشا عندهم بس اذا برمضان يختلف نظامهم هذا شي ثاني وانا والله مادري اذا يختلف او لا
،، اوزنجول انا مادري عنها لاني مارحت لها انا اكلمك الان من اسطنبول اوروبا ورحت اسطنبول اسيا ويلوا وبورصا وكلها زحااام فضيع وناس تخرج تمشي على رجولها وناس بسياراتهم يعني زحااام زحاام
وطبعا وقت اذان الفجر عندهم تقريبا الساعة 4:30 ووقت اذان المغرب 8:30 يعني نهارهم طووويل 16ساعة ،، وحتى الأجواء باسطنبول مش بااردة مررة الا اللهم بالليل الجو يصير حلو بس بالنهار حر ووقت الظهرية مووووت
والله ييسر لكم رحلتكم بالوقت اللي يناسبك ويعجبك يارب

ودعواتك نوصل المدينة بالسلامة .. الليلة رحلتنا ان شاءالله :)

هذا انا ... سحر .. الله يعطيكم العافيه ماقصرتو 

ام ام ...ربي يوفقك يالغاليه ويسهل دربك وتاصلون بالسلامه مااااقصرتي .... شكلي شلت الفكره من راسي بسبب طوول نهارهم .. والله يعوظني بالسفر لها يارب 

احجزي بعد العيد على خطووط ناس
زوجي البارح شيك عليها عشان خويه و لقيها في شوال مره رخيصه

هو أكيد السعوديه زيها ما في رمضان بس إذا زوجك مصمم على الروحي لا تفوتيها توكلي وأسئلي عن حكم لو افطرتي في هذا الأسبوع