بنات علموني اتكيت البوفيهات اللي في المطاعم

رودين :

مرحبا اختي ورد الجوري ربي يسعدك بزواجك ويرزقك الولد الصالح بالنسبة لسؤالك ومن خبرتي الشخصية خلك على طبيعتك بالبوفيه اول شي بعد ماتجلسين على الطاوله عادي تتركين اغراضك عليها مو مريح تغرفين من البوفيه وبيدك جوال ولا شنطه روحي للسلطات وخذي لك كميه بسيطه من 3 الى 4 انواع لانك بتحتارين ومو ضروري تشبعين ولا تملين الطبق لو عجبك صنف ارجعي اغرفي منه وبالمره خذي معك الخبز والشوربه ولو فيه زيت ولا ليمون معصور او صوص اغرفي من اللي تحبين وارجعي الطاوله وسمي بالمقبلات وبعدها حطي صحنك على جنب عشان الجرسون بيمر ياخذه وقومي اخذي صحن ثاني واغرفي من الاطباق الرئيسية ومكتوب ورقة توضيحية كل طبق وش اسمه وخذي من اللي تحبين بكمية معتدلة ولاتبالغين لانك لوحبيتي ترجعين تاخذين بتقدرين ولا هو ليه سموه بوفيه مفتوح . واذا تناولتي وجبتك حطي صحنك على جنب وروحي خذي لك صحن الحلى وحلي بنفس الطريقه كميات صغيره وملعقة الحلى الخاصة وهي عادة صغيرة . لاتنسين تنتبهين على الملعقة والشوكة والسكين وكل وحده بمكانها الصحيح وانتبهي لاتطيح منك ولو طاحت اطلبي غيرها او عاده هم ينتبهون ويجيبون لك بديله وتقدرين تطلبين المشروب اللي تحبينه وهذا حسابه لحال اذا مافيه عصيرات بالبوفيه وحاولي تنظمين تناولك للاطباق مع المرافقين معك لاتسبقينهم ولا تتاخرين عليهم وحطي ببالك ان الفاتوره غير قيمة البوفيه للفرد بينضاف لها الخدمات وممكن تحاسبين بالبطاقة الأتمانية . اهم شي صوتكم لا يكون عالي يزعج اللي حواليكم ولا تتابعون الناس بنظركم هناك كل بحالة . ما اوصيك بالمشية الرسمية وحتى الجلسة خلك ثقه اتمنى اكون افدتك تحياتي

مرحبا اختي ورد الجوري ربي يسعدك بزواجك ويرزقك الولد الصالح بالنسبة لسؤالك ومن خبرتي الشخصية...

دردشة مطابخ :

لا يمكنك مشاهدة هذا التعليق لانتهاكه شروط الاستخدام.