بنات علموني شلون اصير ثقيلة ؟؟ وما أموت على خطيبي

السلام عليكم ورحمة الله وبركاته
يارب بخير

بنات أنا متملكة لشاب من أهلي من كم شهر بس
مشكلتي إن خطيبي راكد وثقيل ومو رومانسي بالحيل وعادي عنده
لو ما كلمني يومين أو ثلاثة
أما أنا فأحبه حيل..وودي أكلمه كل ساعة ويضيق صدري ويخترب مزاجي
لما يمر يوم ما أكلمه..وقبل ما انام أرسل له مسج علشان أول ما يقوم الصبح
يقرا المسج..وباليوم أرسل له كذا مسج
وأرسل له هدايا..وأكتب له خواطر
بس أنا ما أبغي أكون جذيه..أبغي أكون ثقيلة وراكدة وما ابين له مشاعري بسهولة
هو يدري إني أموت عليه بس أبي أتغلى..ابي أكون غامضة
ابي أخليه يشتاقني ويوله يسمع صوتي مو كل ما بغاني حصلني
أحياناً أقول يمكن لأنه بعيد عني وكل كم شهر أشوفه يعني مو دايماً..متعلقة فيه هالكثر
بس بعد يا بنات..علموني..درسوني..ابي أصير ثقيلة
ودي ما أكلمه يومين أو ثلاثة أخليه يوله عليّ
بس ماش مطفوقة ما أقدر ما اسمع صوته
بليييييييييييييييييز تكفون عطوني أفكار وخطط
تخليه يشتاق لي وتخليني ثقيلة