بنات عندي اسئله تفيد النفساء ارجو عدم التطنيش لتعم الفائده

رفع
بكريه

رفع

اولا الحلبه فائدتها للعضام والضهر تشده وتصفي البشره
وانا اطبخها مع الاكل او مع الحليب او اصلحها شاي بوحدها والرشاد يستعمل العشرين الاخيره والماش ايضا مفيد للعضام
ودعواتك ان ربي يسهل ولادتي

بصراحة الحلبه فضيعة للعظام كل نفاسي ما اشربها عشان الريحة واطلع من الأربعين مخلخله يالله اقوم ويالله اجلس من ظهري
وآخر نفاس قلت خليني اجربها والله العظيم شي مو طبيعي فقدت آلام الظهر والعظام إللي كنت اعاني منها وكذلك الرشاد مهم ملين للبطن وينشف الرحم وزينه للظهر وعن تجربه بعد ولا تتركين ولا واحد منهم
وبالنسبه لطريقة استخدامها اطحنها واحطه في ترمس الحليب طعمها مقبول وارش كم حبه على المرقوق اثنا الطبخ
أما الماش تقدرين تطحنينه وترشينه على المرق وتقدرين تسوينه مثل الفول لذيذ ومفيد للعظام
لا تقولين الأجانب مضبوطات ابداً يعانون بس مايعرفون العلاج للأسف إنتي عارفه فيه وحده راحت لدكتورة نساء مااذكر وش جنسيتها تقول سألتني إنتم وش تستخدمون في النفاس ملاحظه عليكم إنكم افضل منا المنطقه عندكم مشدودة وتمام وقعدت تعطيها نصائح وقالت بجربها
ودكتورة ثانية ذهلت من وحده كانت تتعالج عندها فيها إلتهابات فضيعة في الرحم وكانت تحتاج لعلاج قوي يمكن عمليه والله ما اذكر المهم المره قبل موعدها تعالجت بالمر والملح ويوم جا موعدها تفاجأت الدكتورة وين الإلتهابات وسألتها كيف عالجتيها وقالتلها على المر قالت أول مره اسمع فيه المهم تعرفت عليه الدكتورة وصارت توصفه لمرضاها كل ماجاتها وحده قالت سوي غسول بملح ومر شفتي شلون نحن الأفضل فلا تهملي نفسك وتقلديهم