بنات عندي بعض الاستفسارات >>> نيو ماما

السلام عليكم ورحمة الله وبركاته

بنات عندي بعض الاستفسارات .. ان شاءالله بتساعدوني ومابتقصرون ويايه خواتي ..

مثل ماتعرفون انا نيو ماما .. وماعندي خبره ..

ولدي الان كمل الست شهور ودخل السبع شهور ..

خايفه من شي .. بالليل ينام على الساعه 10 تقريبا ولله الحمد يصحى مرتين او 3 ومايشب حليب الا قليل بعني رقمين او ثلاث ارقام بس هل هالشي عادي ..يعني اسويله المرضعه الى 180 بس هو يشرب الى رقم 90واحيانا يكمل الى 120 هذا من ينام الى ان يصحى يعر\ني بس هالكميه اللي يشربها
هل هالشي عادي ولا لا .. وهل نومه بدون مايصحى كثير عادي ..؟

واليانسون .. الى اي عمر اعطيه؟ .. انا اعطيه من كان بالاربعين الى الان واحس انه وااايد مفيد له بالنسبه للغازات يريحه ..

وشو من الاكل اقدر اعطيه ..

انا اعطيه اول مايصحى حليب وبعدين الضحى اعطيه عصير فواكه والغدا اسويل رز مع بطاطس وجزر وقرع وطبعا يكون مهروس والعصر حليب ويانسون واحاينا اعطيه شوية موز والعشا اعطيه سيريلاك وحليب .. هل هالشي كافي له؟

احس انه مايشرب الحليب الا 3 مرات باليوم.. قليل ولا عادي؟

ومن فتره ملاحظه انه يحك اذنه كثير ووديته العياده وقالي انه فيها شوية التهاب وعطاني مضاد حيوي لمدة 5 ايام وقطره اقطرها بخشمه وقالي بتروح لاذنه بس انا خذت القطره وتركت الضاد احس انه حرام اعطيه مضاد وهو صغير وقالي لاتاكلينه ولا ترضعينه وهو نايم
انا احطي له وساده تحت راسه لما يرضع هل هالشي كافي؟