بنات عندي تانيب ضمير بسبب هالموضوع

مرحبا بنات
كيف حالكم
بدخل بالموضوع على طول عندي بنات عم
وكلنا بعمر بعض يمكن انا اكبر منهم بسنتين
انا قريب ٣٠
بنت عمي ٢٨ تقريبا
هذي عرفتنا انا وخواتي على صديقتها اوكي؟
صديقة بنت عمي هذي لها ١١سنه مع بنت عمي واهلها يعني تمون عليهم
سافرنا انا وبنات عمي للخبر وقالت صديقتها
بتلحقنا ولحقتنا وسكنت معنا والبنت مره مره
طيبه وذوق واخذت علينا واخذنا عليها
وصارت تلاحقنا انا وخواتي من بعد مارجعنا
كل شوي تبي تشوفنا تبي تطلع معنا
وتمدحنا انها ارتاحت لنا ونفس جوها وحبتنا
جت صديقة بنت عمي هذي سوت قروب بالسناب من بعد السفره وصرنا نكتب ونطلع مع بعض لكن وش اللي تغير؟
بنات عمي كلهم قلبو علينا وعليها بدون سبب
من بعد السفره لدرجه لما تكتب البنت اللي هي صديقة بنت عمي نطلع حديقه او تعالو عندي او كوفي او مطعم يسحبون مايردون
بالسفره جالسه اشوف بنات عمي كاننا ذابحين لهم احد منفسين علينا انا وخواتي ومنفسين على بنت الناس مع انه قسم بالله اني جالسه اراعيهم ولا اطلع الا هم فيه لكن نص السفره كذا عناد مايبون يطلعون فان اطلع ماراح اضيع السفره على حساب نفسياتهم!!
اختي تقول انهم غارو لان صديقتهم شبكت معنا مره طيب دام تغار ولا تبي احد يقرب صديقتها ليش تعرفنا عليها ليش كانت تغثنا بالرياض بجيب فلانه معي بنطلع كوفي انا وفلانه تعالو معنا بعزم فلانه معنا بالشاليه بجيب فلانه معنا ببيتنا ليش قلبت علينا لما شافت البنت مره حبتنا وحنا عادي دخلنا جو معها وكنا نبيها كلنا مع بعض وسفرة بنات ووناسه لكن هم قلبو السفره نكد وزعل ونفسيات ومعرضات ومن بعد مارجعنا لنا اسبوعين البنت تكتب بالقروب نطلع كوفي او تعالو كلن سافهها مايرد عليها الا انا وخواتي وطلعنا معها مرتين البنت جالسه امس تكملني مصدومه تقول حسيت اني زوجها!! ليش كذا انقلبت علي فجاه لما صرت معكم وطول الرحله منفسين علينا حتى غيرو مواعيد رحلتهم عنا مايبون ولا يروجعون معنا
والله ثم والله يابنات لو سافهينهم او ساحبين عليهم بقول مالومهم زعلو والله ان قبل كل طلعه بالسفره نشاورهم والله اني اسوي القهوه ونحطها بالصاله انا وخواتي عشان نجلس كلنا وننبسط لكن مادري الا هم داخلين غرفتهم وصاكين عليهم !!
انصدمت من غيرتهم لان مره مره واضح السبب
هم قلبو لما شافونا شبكنا ونسولف ونضحك ونمون على بعض وبنت عمي اللي عرفتنا على صديقتها تقول صديقتها انها من بعد السفره
منقطعه عنها ولا تكلمها وشايلتها من ستوري السناب حاولت بصديقتها انها تدخل وتشوف ىش فيها لكن صديقتها رافضه رفض كلي تقول انا ماجاها مني شي وش عليه زعلانه ليش اجلس معكم؟ حسيت اني زوجها مو صديقه
وعادي ىش فيها اذا صرت صديقتكم وصديقتهم ليش قلبو علينا للدرجه هذي الناس يتضايقون اذا شافو احد مرتاح لغيرهم؟
انا حسيت بتانيب ضمير احيانا اقوول اسحب على صديقة بنت عمي بس بنفس الوقت اقول ليش اسحب البنت ضعيفه وحبيبه ولا جاني منها الا كل خير وحتى لو سحبت انا خواتي مستحيل مستحيل يسحبون خاصه ان هي واختي بعمر بعض ونفس مشاريع بعض فاتحين فانسجمو على طول مع بعض لدرجه صارو يكلمىن بعض وياخذون افكار من بعض
وهالشي مضايق بنت عمي للاسف ان علاقتنا تطورت معها حتى خوات بنت عمي متضايقين من علاقتنا 
كاننا مسوين لهم شي او متكلمين فيهم لدرجه مره هدي صديقة بنت عمي احتاجت مشوار ضروري وانا اسوق فقالت لي تقدرين توصليني قلت من عيوني ودرت بنت عمي وتكلم صديقتها وتسوي مشكله اني ليش تجي معي ومن متى تعرفني !! وايش السوالف اللي قلناها وكلام كثير كثير عرفت من وقتها ان كل اللي فيهم غيره لكن بنفس للوقت ضميري جالس يانبني خاصه حاولت بصديقتها تكلمها وتشوف وش فيها لكن. رافضه بحجه ماجاها مني شي كل اللي فيها ان ليش لي علاقه  فيكم