عواطف تركي :

اللي يسألون كيف يجيبون اللي يقذف بقول لكم معلومه وحطوها حلقه في اذانكم وبين عيونكم مافي شي يكتب او يرسل من خلال الانترنت إلا وصاحب الشأن معروف عند الدوله وتتوفر كافة معلوماته من اسم ورقم وعنوان .. الخ وسبق شرحها احد خبراء الجرائم الالكترونيه مثلاً لو وقعت جريمه بمكان اذا ماكان في كاميرات مراقبه ولا شهود ببساطه يقدرون يحددون مكان الشريحه او الشريحه اللي كانت بهذا المكان ومن وين انطلقت والى وين وصلت ويعملون تحقيقات مع صاحبها ويجيبونه من تحت الارض هالمجرمين والفئه الضاله كيف يقعون بقبضة القانون غير ان الدوله لها طرقها المتطوره في كشفهم وسبق تكلم احد المشاهير عن مشكله تورط فيها واستدعوه الشرطه بسبب استقباله محادثه كتابيه ببرنامج اللاين من بنت كانت تطلب عنوانه عشان ترسل له هديه . السالفه ان البنت واختها من منطقه ثانيه غير منطقة المشهور وهم انحاشو من بيتهم وابوهم قدم بلاغ عن اختفائهم تخيلو الشرطه جابو تقرير كامل شامل عن كل شي صار بجوالات البنات وجوال هذا المشهور من مكالمات ومحادثات وواتساب والبرامج اللي يدخلها ويشارك فيها تقرير مفصل لدرجة حتى المكالمات كلها مكتوبه ومطبوعه في اوراق بملفات مع ان الشريحه ماهي بأسمه بإسم عامل ومع ذلك جابوه وعرفو مكانه وحتى الارقام اللي يكلمها ويستقبلها جابو اساميهم وعناوينهم الى ان وصلو لاخوه الكبير واستدعوه وعملو معاه كمين خلوه يكلمه من عندهم ويقول ابيك تكفلني وحضر للقسم وتم توقيفه للتحقيق . يعني اللي تسوي نفسها ذكيه وعبقريه وتسجل اسم مستعار وتقذف وتسب القانون لا يحمي مغفلين تقدر البنت تصور التغريده مع حساب البنت وترسله لتطبيق كلنا امن وتقدم بلاغ حتى لو حذفت التغريده والحساب كل شي موجود عند الدوله ومحفوظ ولهم طرقهم الخاصه .

اللي يسألون كيف يجيبون اللي يقذف بقول لكم معلومه وحطوها حلقه في اذانكم وبين عيونكم مافي شي يكتب...

أحلام 22 :

والله استغرب منكم هالتصرف تبلغون كلنا امن عشان وحده م تعرفكم وماتعرفونها تكلمت عليكم والله م توقعتكم كذا ليه تكبرون السالفه ع شئ م يستحق أخطت عليك ربي بيحاسبها واتركيها لكن اذا وحده تعرفينها معرفه شخصيه اخذي حقك منها عن نفسي والله لو يخطون بنات المنتدى بكبره علي مسامحتهم وكل وحده لها وجهة نظر لكن بعض المواضيع يطول النقاش وكل وحده تفقد اعصابها ثم يبدأ الكراهيه بين الاخوات بسبب اختلاف وجهات النظر يعني خلنا نكبر عقلنا مهوب كل سالفه اروح أبلغ خلوا نياتكم صافيه وقلوبكم بيضاء ترى الدنيا م تسوى والله يهدي النفوس

والله استغرب منكم هالتصرف تبلغون كلنا امن عشان وحده م تعرفكم وماتعرفونها تكلمت عليكم ...

بتول~ :

راح تفرق معك اذا حد قذفتك القذف غيرررر عن السب والشتم هذا شرفك شرف اهلك شي يوجعك غصبا عنك وماتقدرين ترتاحين والله حتى لو الي قذفك مجهول ..شوفي ليش عقوبه القذف هنا مغلظه علشان انه عظيم ..

راح تفرق معك اذا حد قذفتك القذف غيرررر عن السب والشتم هذا شرفك شرف اهلك شي يوجعك غصبا عنك...