بنات عندي سؤال ضروري ومحتاجه بالفعل مساعدتكم بخصوص شهادة جامعة الإمام قسم انجليزي ...

هلا نغم :)
ألف مبرووووك القبول بالجامعة،أنا أدرس بجامعة الإمام انجليزي وإلى يومك ما أدري إذا جامعتنا معترف فيها في الخارج أولا لأني سمعت زيك وكل بنت تقول كلام ولا أدري مين اللي عندها سالفة. ولا أدري إذا كانت شهادتها تربوية أولا. ليش ما سجلتي في جامعة الملك سعود قسم الانجليزي فيها أقوى من الإمام. إذا درستي في جامعتنا هذي خطة مستوى أول المواد العامة 1- القرآن الكريم2- التفسير3- التوحيد4- النحو5- التحرير العربي التطبيقي6- الحاسب الآلي7- التربية الإسلامية.
ومواد التخصص هي Grammar-Reading-Lisining and Speaking-Writing

مرحبــــــــا حبيبتي ( ملهماوية) الله يبارك فيك يا قلبي وعقبال تخرجك من الجامعه بإذن الله وأشكرك

جزيل الشكر حبيبتي على المعلومات بخصوص خطة طريقة التعليم والمواد اللي بندرسها في المستوى

الأول ومن ناحية عدم تسجيلي بجامعةالملك سعود لأنها اولا سنواتها طويله وغير كذا غير تربويه ومن

ناحية جامعة الإمام فهي تربويه لاني سألت دكتوره بالجامعه وقالتلي تربويه والله اعلــــــــــــم

عموما مشكوووووووووووووووووووووره حبيبتي على على المساعده ومرورك الطيب ...

بنـــــــــــــات انتظر مساعدتكم لسؤالي .... لأني فعلا محتاجه لهاالشيىء ضرورررررررري الله يعطيكم العافيه.....

الحين أنا بسأل سؤال واحد للي لحد الآن مصدقين هالشيء ، يا كثر اللي تخرجوا من الإمام وكملوا دراستهم برا .. بالله عليكم كيف كملوها وجامعة الإمام غير معترف بها ؟!

والمثال اللي يحضرني هو الأستاذ الدكتور محمد التويجري - حفظه الله -

جامعة الإمام الي بيسمع للإشاعات اللي تطلع عنها بيروح فيها ، لأن يا كثر الحاقدين عليها حتى من داخل الجامعة نفسها ..

عني أنا ..أنا بجامعة الإمام ومختارتها عن قناعة من وأنا بثاني ثانوي .. ولو إيش مارحت لجامعة سعود لأسباب خاصة .. وبعدين فيها أقسام قوية .. ما أدري عن قسم الإنجليزي ، لكن قسم الحاسب مررررررة قوي .. الدراسة كلها بالإنجليزي ، وغالبيتها مواد تخصص ، وهو القسم الوحيد اللي في المملكة للبنات الي فيه تخصصين ..

أقول ياعمري .. توكلي على الله ، وريحي بالك ، وسدي آذانك بقطنة .. لأن أغلب الإشاعات - خاصة سوء الأنظمة - كذب في كذب .. وإسأل مجرب ولا تسأل طبيب ..:)

الله يوفقك ، وحياك معنا ..

إضافة إلى ماذكر أعلاه .. جامعة الإمام الي بزعمهم غير معترف بها هي الوحيدة اللي لها فروع في الخارج .. كلية وأربعة معاهد في الإمارات وأمريكا واليابان وجيبوتي وأندونيسيا ..
:)