اشلووونكم ؟؟؟
شوفو يا طويلات العمر هذي صديقتي كانت مليانه ونحفت ماشاء الله بشكل كبير حوالي 15 كيلو ..
المهم لما سالتها اكتشفت انها تستخدم شي غريب عجيب الى جانب المشي تعرفون شنو ؟؟؟
:::
:::
:::
:::
:::
:::
::::
اقول ابي تفاعل اول وبعدين بكتب لكم
هههههههههههه لاتعصبون
زين بنات كانت تستخدم شي دائري للعب وينطون فوقه
اقصد النطاطه الي يحبونها الاطفال وموجوده في المحلات الرياضيه ومحلات لعب الاطفال
احنا نسميها نطاطه لكن اسمها العلمي هو :
الترامبولين
صديقتي اشترتها من كارفور
ويوجد منها احجام بس الغالب يكون حجمها كبير متر وشوي
هذي صورتها
المهم ان هذي اللعبه تحرق سعرات حراريه كثيره انا جربتها لمده دقيقتين عرقت ودقات قلبي تسارعت وهذا مؤشر ممتاز لحرق السعرات الحراريه بالاضافه الى انك لا تشعرين بالتعب وقت اللعب عليها مقارنه باللعب حينما تكونين على سطح مستوي مثل الارض ...
تستطيعين القيام بتمارين الايروبيك عليها افضل من الارض لانها اولا تحرق اكثر نتيجه لعمليه النط التي تقومين بها وثانيا لانك تشعرين بالمتعه حينما تنطين ...
بحثت لكم يابنات عن فوائدها وهذا الي وجدته :
1- تشكل عضلاتك علي نحو سليم ومتناسق.
2- تزيد من رشاقة جسمك.
3- تقوي عضلاتك.
4- تحرق نسبة كبيرة من سعراتك الحرارية.
5- تساعدك علي فقد الوزن.
6- تحفز عملية التمثيل الغذائي داخل جسمك.
7- تزيد من كفاءة دورة جهازك الليمفي.
8- تعمل علي تطهير خلايا جسمك المختلفة.
9- تقوي جهازك المناعي وتنشطه.
10- تساعد علي حفظ توازنك.
11- تحارب من أجلك الحساسية.
12- تقوي من نظرك.
13- تجدد شبابك الدائم، وتؤجل من أعراض الشيخوخة.
14- تزيد من طاقتك وحيويتك، وقدرتك علي الإبداع والإنتاج وكفاءتك في العمل والمنزل.
15- القيام بمثل هذه الرياضة، يساعدك علي الاسترخاء، والنوم بهدوء طوال الليل، فهي رياضة مفيدة لحالات الأرق.
16- هي بمثابة الطب الوقائي الذي يحول دون إصابتك بعديد من الأمراض الخطيرة مثل السرطانات وغيرها من الأمراض الأخرى.
17- رياضة بسيطة وسهلة للأشخاص المشغولين دائما، فلا تستغرق سوي خمس دقائق، فيمكنك القيام بها من 4-5 مرات في اليوم الواحد.
18- تزيد من لياقة جسمك.
19- تزيد من كفاءة وظائف القلب.
20- وأخيرا إنها رياضة لذيذة تعود بك إلي مرحلة الطفولة التي كنت تلعب وتمرح خلالها بلا قيود كالتي تعوقك الآن.
ماشاء الله وايد فوايد صح ؟؟؟؟
وتعرفون يابنات ان نط الحبل خلال ساعه يحرق بين 700 الى 800 سعره وهذي اللعبه تنطين فيها ويمكن تحرقين اكثر من نط الحبل
حسبو معاي لو كنت راح تنطين فيها نص ساعه بتحرقين تقريبا 400 سعره
ولو كنت بتنطين ربع ساعه بتحرقين 200 سعره يعني ما يعادل المشي البطئ لمده ساعه
بصراحه تحمست جدا اني اجرب هذي اللعبه بالاخص ان مرفق معاها كتيب فيه التمارين الرياضيه الي الواحد يقدر يسويها والتمارين مثل تمارين الايروبيك لكن كان المانع الوحيد عندي هو المساحه لانها كبيره شوي ...
الاسبوع الي فات كنت رايحه سناء وشفت نفس النطاطه ( الترمبولين ) عندهم لكن بحجم صغير يساوي تقريبا اقل من متر هذا الحجم مناسب جدا بالنسبه لي لاني ماعندي مساحه ,, كان سعرها تقريبا 7 دينار ونص رخيصه جدا خذتها بدون تردد لان حجمها مناسب وسعرها انسب ....
وهذا شكلها بالضبط
اليوم جربتها وحسيت فعلا اني ابذل مجهود وطاقه ....
هاللعبه شي حلو تقدرين اذا شريتي الحجم الكبير تلعبين فوقها انتي والعيال منها تحرقين سعرات ومنها تلعبين مع اطفالك وتكسبينهم
ويااارب اوصل للوزن المثالي بفضل الله ثم التمارين فوق هالنطاطه يااارب بالاخص اني مو محتاجه الا 5 كيلو
حبيت ابشركم ياابنات وافيدكم عن هذي اللعبه ولا تترددون في شراءها وتحصلونها في محلات الالعاب والمحلات الرياضيه والجمعيات وانا شخصيا حصلتها في سناء ...
اخيرا كل وحده تقرا موضوعي تدعي لي ان الله يرزقني الي اتمناه والي في بالي وييسر لي اموري يااارب
وانا مستعده لاي استفسار
بس مستحيل اشريها قسم ان يضحكوا علي أهلي ماسلمت منهم يوم عرفوا أني أسوي رجيم كيف أنطنط