بنات عندي مشكلة

بسم الله الرحمن الرحيم
السلام عليكم ورحمة الله وبركاته
البارحة وانا جالسة على النت واطقطق في هالكيبورد
عندي بنتي الصغيرة سنه ونصف الله يهديها انا شايفة في عيونها الخيانة
استقلت الفرصة وانا منسجمة مع النت ( آخذه في نفسي مقلب )
المهم وترفع اصبعها السبابة وتناظر فيه انا ما انتبهت إنه شي خطير ورجعت اكمل التصفح إلا شوية وهذيك الرعصة والخبطة على مفاتيح الكيبورد وعينك ماتشوف إلا النور إلا وهي في آخر الغرفة هاجة خايفة إني الحقها وامزع لها هالقرنين اللي طالعة لها في شعرها خخخخخخخخخخ
المهم حبيباتي بعد هذي الجريمة صرت كل ما ادخل منتدى أو موضوع أجد الكتابة بخط صغير والردود بخط صغير اقولكم عيوني دخلت عرض وزغللت وقامت تعورني
قولوا ويش اسوي في هذي الصغيرة وهذا هو المهم ؟ :D
ثانياً : هل هذي المشكلة موجودة عندكم دلوني الله يخليكم . :icon33:
شفتوا ترا القصة كبيرة وتستاهل رايكم اكيد تصدقون انا قاعدة اكتب و الصغيرة تناظرني قلت أكيد وراها شي خليني اخلص قبل ماتضيع اللي انا كتبته لكم.
هاااااااااااااه وش رايكم في هذي المشلكة ؟
في امان الله .