بنات عندي مشكلة طيرت النوم من عيوني

مرحبا بنات شلونكم عساكم طيبين ومرتاحين بنات ابيكم تساعدوني او حتى تنصحوني بنات امس الفجر كنت انا وريلي نايمين عادي الفجر المهم صحى زوجي فجأة مفزوع كأن احد طاعنه بسكين او شيء والله العظيم اخترعت خرعه على بالي يمزح اوشيء مسكته وصحت يا بوفلان وش بلاك مايرد بس عيونه مفتوحه وجلس متيبس مدري وين يطالع بعدين بدى يتشنج وسبحان الله الله ثبتني ذيك الساعه مع اني خوافه ومسكته حيل وقريت باذونه بصوت عالي المعوذات على طول هدى ونام وشخر وطلع ماي من فمه بس نام عادي وطبيعي وبعد نص ساعه صاحت الساعه هو مظبطها عشان صلاة الفجر وجعد وراح صلى عادي ورد نام ونا مابصراحه ما غمضت عيوني من الخرعه وطول يومي ظليت ارجف المهم صحى على الساعه ثمان وراح يتسبح ورجع وقال اليوم احس جسمي ثقيل ويعورني ما بروح الدوام المهم رد نام وما جعد الا على الساعه وحده الظهر لمن صحى سالته انت حاس بشيء متذكر اي شيء قال لا ولا عنده خبر بنات المهم انا من امس ونا مخترعه زوجي عنده السكر النوع الثاني وما يعاني من اي امراض ثانيه انا قلتله روح افحص على عمرك رد انه مافيه شيء امكن بس انا كنت احلم طيب اذا كان يحلم يتشنج؟؟؟؟؟؟؟ هو طبعا مو مصدق يقول ما فيني شيء وامكن يارب يطلع صحيح ما فيه شيء بس انا صج خايفه وهذي مساله حساسه مقدر اعلم اخوانه او امه اخاف يزعل الحين بليز بنات احد يعرف او يقولي هل هذا صرع؟؟؟؟؟؟؟هو عمره الحين 35 سنه وهو طبعه هاديء جدا وعاقل جدا وعلى دين وعنده ايمان قوي وما يقطع فرض ولو على قص رقبته بنات مدري اروح وين امس كنت مذعورة وما نمت عنده نمت عند اليهال من الخوف بنات هل الصرع يجي الانسان على كبر انا ماعرف عن هالمرض اي شيء وخايفه جدا وما اقدر اعلم احد وفي نفس الوقت خايفه لا يتكرر الموضوع مرة ثانيه حزتها امكن يصير فيني شيء والله احد مر بمثل هالموقف ؟؟؟؟وبايش تنصحوني:(