بنات عنيزة سؤال عن ابرة الظهر في مستشفي الملك سعود

اللهم صل وسلم وبارك على سيدنا محمد
والله ما عندي علم
حبيت ارفع الموضوع

انا جربت أبره الظهر بمستشفى الوفاء بعنيزه
مره تجنن العناية.
وأفضل استشاريه فيه علا

اول مره اسمع سعود عندهم ابرة ظهر
هذولا غصب يولدونك بمزاجهم
جايتهم تبين قيصري يولدونك طبيعي
كنت مرقده ويعطون وحده طلق صناعي وهي ماتبي تولد عندهم بس مسكوها وعطوها 😁 مكارين
بس شغلهم ممتاز بالولادات
والقيصري روعه عندهم
وكان دكتور رجال ماعرفه بس اسمه خالد مدري سلطان شبكت بين الاسمين المهم اذكرلك شكله
باكستاني يشبهه عبدالحسين عبدالرضا هههههههههههه
يقولون بعدين عرفت انه هذا استشاري ومعروف
مارضا يطلعن الا يوم كملت خمس ايام

العنايه بالاطفال زفت وطماله ووساخه ولدي ماشم المويه الا بعد خمس ايام رحت وسبحته بعد ماطلعت والله انه الدم والماده البيضاء براسه يابس 😖 اسفه على الشرح

المهم القيصريه ماشاءالله قمت ثاني يوم على رجولي الزبده خواتي قوموني
بس اقوم كل مابغيت الحمام واتمشى

الوفاء رووووعه بكل شي
مجربتهم بولادتي الاولى
والطفل يجي مروش كل يوم ونظيف وريحته تجنن زيت جونسون بالشعر
بس اختي ولدت فيه قيصري ماقامت على رجولها الا ثالث يوم

احس الوفاء مايعطون مسكنات كثيره
سعود يعطون مسكنات كثيره فالحمدلله انا احسن من اختي من ناحية الالم
مع اني انا وحده (جواره) مطيوره
اختي قويه بنسبه لي
بس الكل يوم شافن قال لا سعود ممتااااز بالعمليات القيصريه

اذا انتي قيصري انصحك بسعود روعه
كامل البنج

انتي اسالي الدكتوره اللي بالسعود عن البنج النصفي

الاستشاري اسمه سلطان بس مادري اذا موجود او لا
وما عندي خلفيه عن ابرة البنج النصفي الله يسهل عليك يارب

ماسمعت ان سعود فيه ابرة ظهر
اللي سمعت انو خياطتهم للطبيعي اي كلام والمريضات بالنفاس يروحون للوفاء يخيطونهم
والله اعلم
الوفاء ثمينه وعلا روعه
ونظااااافه وعنايه ممتازه
بس القيصري يوصل 13 الف واكثر