شهلاء العيون تسلمين ياعمري على المرور
ان شاء الله جلسه في البيت لا لا لا
بنت اختي السنه اللي راحت قبلوها بجامعه نورة والدراسة قد بدات يوم قلت هذا الكلام لهم قالوا غير صحيح
بحاول اروح يوم السبت ان شاء الله خير

زوجة طيار أنا نسبتي المركبه 76.71ولا أقبلوني بس الحمد لله جامعة الملك سعود الموازي قبلتني بس فصل ثاني
كنت أبي جامعة الاميره نوره بس خلاص طفشت منهم كل ما أجيهم يقلولي نفس الكلام ...

أبشركم تسهلت روحتي لجامعه نورة ومن الصباح الساعه٧ وانا عندهم وروح لمكتب الدكتورة قلت باعطيهااااا كم كلمه حلوة ينقال واسطه الا والعالم قدام مكتبهااا المرة اللي راحت اشوى نظام معطين أرقام المرة هذا ماقدروووو الأمن على الحريم بعدين بصراحه معصباتتتتت مرة وقاموا يتلفظون على العميدات والأمن ومن المواقف وحده جايبه ورقه وتطلب من الدكتورة توقع انه ما فيه كراسي فاضيه تقول باخذ هذا الورقه للأمير سلمان لكن الدكتورة رفضت وخرجوها برا .......وحده جلست على الارض وتصبح ما ني قائمه حتى تسجلون بنتي وهاتي صراخ .......وحده بصراحه يبكي الواحد من كلامها حتى بنتي بكت عليها تقول انا طموحي الدراسه والعلم وما تحقق حلمي طيب حققوةا حلمي ببنتي خلوني اشوف بنتي جامعية .... لكن مافيه اي فائدة من الكلام وخرجونااااااا براااااا المكتب تقول أسفة روحووواجامعات ثانية واخرج من عندها الا زحمة على احد امكاتب واسال قالووووا نشوف عسى ننقبل واوقف طابور معهم ايش وراي انا بصلح اللي علي وانا واقفه اسال البنات اقول فية امل بالموافقة قالت وحدة اذا عندك واسطة اية وحدة اعرفها واسطة من عند واحد بالامارة ووحدة من عند امير ووحدة من عند موظفة بالجامعة قلت يالله انا ماعندي واسطة بادخل عليها واكلمها ودخلت الساعة 12 على طول قالت صعب القبول روحي الامام فية تسجيل حتى الاجانب بعضهم رجعوهم قالوا بنتصل عليكم وانتهت قصتناااا في جامعة الاميرة نورة
الله يعوض بنتي وجميع البنات اللي مانقبلووووووا

يااعمري. من جد قهر
روحوا للامام قسم الرجال لاتيأسين ،، واحتتياااط خليها تقدم عن بعد برضو لعل وعسى تجيب درجه كويسه وتنتظم بعدها
المهم لاتيأسين

والله اول ماقريت كلمة ابشركم فرحت حسبتهم قبلو بنتك :44:
بس لا تياسين انا اليوم رحت جامعة الامام من الصبح ابي احول بنتي من قسم دعوه لعلم نفس قالو مافي مقفلين التحويل
قلت خيره خليها في قسمها
انتي سجليها انتساب مطور عن بعد وبعدين حوليها انتضام
اليوم في الجامعه كثير بنات انتساب عن بعد وجايين يحولون انتضام وعطوهم اوراق للتحويل