بنات في أحد عنده جيران مثلي .. والله تعبت

هلا والله بالغالين بنات عالم حواء
بدخل في صلب الموضوع على طول .. :(
المشكلة ومافيها إني توني ناقلة شقة جديدة لأني طفشت من شقتي القديمة ومن مدخل العمارة
بس الله يشهد جيراني كانوا حبوبين ما يأذون لكن كنت أتأذى من منظر مدخل العمارة والشقق
لأني أحب المكان يكون نظيف ويفتح النفس لأنهم الله يهديهم يترسون الله يكركم المكان نعال
وساعات توصل نعالهم عند مدخلي ومره أتضايق وما أقدر أسنع فيهم هم كذا شسوي <<< كأني هذرت واجد :42:

المهم نقلت وبعد إلحاح لشقة جديدة والعمارة كانت توها مبنية لكن صحيح اللي قال الجار قبل الدار:eek:
العمار كانت زينة وما عليها كلام مدخلها شرح ويفتح النفس ولكن أول ما سكنا الشقة وانسكنت الشقق اللي معنا انقلب الوضع
جيراني اللي جنبي يحطون الله يكرمكم زبالتهم قدام شقتي وأيام الحر تخيلوا الريحة:09: وش ذا الوصاخة
يخلونها لين حضرة أبوهم المحترم:arb: يقوم الشغل ويطلعها وياه لأن زوجي يقول انه ما يصلي الفجر فتقعد لين وقت الدوام ..
هذول اللي جنبي ..
أما اللي تحت فحدث ولا حرج هذول مستوطنين باب العمارة يحطون الزبالة عنده ..
لاتقولون حاولتوا تنصحونهم .. ما خلينا شي أول شي حطينا ورقة عند العماره
وكتبنا فيها كلام محترم وأحاديث ووصيناهم بالنظافة وكيف ان هذا يعكس شخصياتهم
ولكن تفاجأنا إن الورقة بعد يوم انشالت :(
وأحد الجيران مأذينا بعياله رايحين جايين عالبقالة
وهات يارمي في أكياس البطاطس والله ما يعرفون شي إسمه سلة مهملات
كل شي عالأرض مناديل عصير علك قرف اللي تبون الله لايبلانا وش ذا العيال
والله إن المدخل يسد النفس وأستحي أعزم خوياتي والله مالي وجه وش ذا المزبلة ..
اشتكينا عند راعي العماره لكنه ما يعطي وجه وحاطله بواب صعيدي ما يقدر عليهم ,,
قمت أنا وحطيت رسالة عند باب جارتي اللي جنبي وكتبت فيها كلام زين
وقلت لها انها تحتفظ بالكيس داخل بيتها ولما يطلعون يطلعونا هذا يعني إذا متعيجزين يقطونها على طول
ولكن ما همهم وزبالتهم خرت طول الليل ولا كأن شي صاير ولا نظفوا المكان بعدها
تخيلو عند مدخلي شجرة صغيرة وقدامي زبالتها .. آآآآه ياقلبي..
وش أسوي فيهم .. قمت طبعت ورقة بالكمبيوتر وبخط كبير كتبت
((هذا المكان ملك عام الرجاء عدم رمي أكياس الزبالة ووضعها في المكان المخصص لها وشكراً لتعاونكم))
وش تتوقعون حصلت ؟؟؟؟
لقيت الورقه مشقوقة ومحطوط تحتها كيس زبالة .. ناس ما تستحي والمشكة الحي اللي أنا فيه حي زين يعني مو قديم ..
والله كأنها طاش ماطاش :42:
شسوي قولولي أطلع أتهاوش معهم زوجي طفش منهم ويأس من التغيير
لكن يا أنا ياهم :hahaha:

ردوا علي بليز وأدري إني طولت عليكم ...:)