بنت قطر @bnt_ktr

عضوة جديدة

بنات في اكله اول مرة اسمع عنها عندنا بالخليج بس مااعرف اشلون اسويها ساعدوني

بنات في اكله اول مرة اسمع عنها عندنا بالخليج بس مااعرف اشلون اسويها ساعدوني
السلام عليكم :21:

من كم يوم جاوا اهل خطيبي وجات اخته ومعاها صديقتها وكانت تتكلم عن اكله ذاقتها عند ناس وتسالنا اذا نعرف عنها وانا بعد سمعتها من وحده بالجامعه كانت تقول ان امها تسويها بس ماحطيت في بالي بس الاكله صارت بخاطري :32::32:

تقول ان مثل البرياني داخله دجاج مقطع بس مخبوز قلت لها اشلون قالت ان البنت تحط اول شي طبقات رز ابيض وبعدين ملون وبعدين نفس الطبقات بس تقول محموس مع بطاطس وخضرورات بس اشلون؟

البنت اول شي تخبز عجينه وتحطه دار مدار الجدر وتحط بعدين الرز بطبقاتها بس يكون مطبوخ من قبل اعتقد وبعدين تلفه بالعجينه من فوق ودخله فرن تقول شكلها كانه كيكه وتقول يوم البنت قطعته تفوح منه ريحه طير العقل وكانه خبز داخله عيش

صااااااااااااارت في خاطري:32::32:

اررررررررررررررررررجووووووووووووووووووكم بنات عطوني طريقته اذا تعرفون

----------------------------------------------------------
ابغي اعرف شنو مقلوبه دايما اسمع عنهاااا ممكن طريقه :06::06:

15K

يلزم عليك تسجيل الدخول أولًا لكتابة تعليق.

تسجيل دخول

ام عزيزان • 20 سنة

هذا البرياني

لان في بعض الناس يحطون خبزه اسفل القدر

ومثل وصفك هذا يدل على انه البرياني لان هو بهذا الشكل

الخبزه تكون بقاع الجدر والجدر محموس فيه صلصة البرياني ولما تحطين الخبزه راح تتشرب الصلصه ويصير طعمها وايد حلو وتصير مقرمششششششششه ولونها يتغير بلون الصلصه

وبعدين يحطون عليه طبقة الرز وبعدين صلصة البرياني بالدجاج او اللحم واخر شي طبقة من الرز

:cook:

بنت قطر • 20 سنة

اختي اشلون بقاعته خبز لا هو عجينه تلف الجدر وداخله برياني تخليه بالفرن لين يستوي العجين وبعدين طلعه هذا اللي قالتله لي البنت

كويني 1 • 20 سنة

السلام عليكم

بالنسبه للأكله هذي يسمونها برتبلاو ويقولون أنها عراقيه ولو ترجعين بالمنتدى راح تلقينها موجوده .

وهذي الطبخه سهله تقدرين تسوين نفس الوصف اللي سمعتي عنه وبدل ما تعجنين العجينه تاخذينها من الخباز (خبز التنور) وتمدين العجينه وتضعينها بالقدر وبعد ذلك تضعين الرز والدجاج أو أي شي تريدينه وتغلقين العجينه من الأعلى وتضعين القدر بالفرن ولكن بدون غطاء للقدر وتتركينه مدة 25 الى 35 دقيقه (الفرن يجب ان يتم اشعاله قبل أستعماله ب 15 دقيقه على حرارة 150 درجه أو رقم 4 ) وبعدها تقلب من القدر على صينية التقديم(هذه الأكله أكلتها سنة 1983 عند شخص عراقي الجنسيه عندنا بالكويت وعرفت الطريقه والى الأن أعملها للضيوف)
يمكنك عمل أي نوع من الرز مثل بالدجاج باللحم بالخضار أو اي شي تريدين (يجب أن يكون الرز واللحم أو الدجاج أو الخضار مستوي قبل وضعه بالعجين)

وبالهنا والعافيه

بنت قطر • 20 سنة

مشكور اخوي كويني بس معليش ممكن تشرحلي طريقتك اشلون انت تسويها

وعجينه اشلون اسويها ماابغي خبز التنور الصراحه انا وحده مااحب اكل برع احب كل شي من يدي

معليش كلفت عليك بس لان الاكله في خاطريييييييييييييي

UmM7amaD • 20 سنة

بنت قطراختي زي ما قالولج هذا البرياني... أنا صراحة كلتها في جزر المالديف بس طريقتهم روووووووووعه أولا أكيييد انتي تعرفين طريقة البرياني هم كانوا يسوونه في إناء فخاري صغير للوجبه الوحده ويسوون الطبقات عادي زي البرياني بس آخر شي يعجن العجين و يفردها ويغطيبها القدر يعني يسكره و يدخله الفرن يادووب بس لين ما العجينه تستوي و يطلعها و يقدمونها بالخبز مغطي الإناء الفخاري عاد نحن ناكله على طوووول ونغرف من العيش.. انتي عاد ممكن بعد تبطنين القدر بالعجين....

في بعد عندج كتاب خفايف مسويه العيش في عجين بس في دوائر اسمها فطائر الأرز باللحم والخضراوات انتي ممكن تسوينها بالبرياني بتحصلينها في خفايف الجزء الأول الكتاب الأبيض صفحة 92 إذا بغيتي بحطلج مقاديرها والطريقة وصورتها بعد ....حتى اللي بالمالديف اللي بالفخار عندي مقاديرها خذت درس طبخ هناك لووول أوني رايحة شهر العسل... بس الحريم وين ما يروحن ما يووووزن عن الطبخ... :cook: