شوفي انا ما ودي اخرعك بس كان بيت اهلي اول كذه يا ما نسمع قربعة مواعين وكاسات واحيانا كان مسامير تنكب يعني المطبخ مدهر بس كنا نسمي ولا كاننا نسمع شي عاد انتي عديها لا تدققين بكل صوت

اعوذ بكلمات الله من شر ماخلق

تصير معنا

يوووه ياما سمعت وياما جاتني تخاويف مالها اول من اخر

ليتها ع طقطقه وبس
اسمع صوت احد يمشي ولا صوت باب الحمام ..ولا احس انه احد يمشي وراااي

جاتني فترة خوف غير طبيعيه..عيالي يروحون المدرسه وزوجي بالعمل وبروحي تشوفيني كني مجنونه من يطلعون العيال اركض للغرفه واتلحف بالبطانيه ما اقوم الا لين يجوون .حاله جنونيه مدري ليه فجأه كذا..

مع انه ماعندنا الا دش المجد والحمدلله ملتزمين مش راعين اغاني ولا مسلسلات..وقام زوجي يدور سكن بنطلع من البيت قام يخاف علي

وجاب لي شيخ للبيت قام يقرأ علي وقمت ابكي غصب مدري ليه

بعدها قاالي حافظي ع الاذكاار واقراي كل يوم في كاسة مويه 7 الفاتحه و7 المعوذات و7 اية الكرسي واخر ايتين من سورة البقرة واشربيه


واستمرت ع كذا والحمدلله راح اللي احس فيه نصه وبااقي النص الاخر ..وراح استمر لين الله يفرجها



اختي حطي سورة البقرة ع الاب توب وشغليه وانتي ع النت او حتى بدون ماتشبكين النت شغليه وخليه وانتي تشتغلين بالبيت ..انا سوي كذا


الله المستعان