بنات قاعده اتدمر ومحتاجه نصايحكم

رمضان كريم عليكم وعسى ربي يبلغنا ليلة القدر.
بنات امانه انا بقولكم سالفتي وافضفض لكم كل الي بقلبي وابيكم تنصحوني مو تجرحوني بكلامكم.
وبعدين انا لجئت لكم عشان محد بهالزمن امن له على سري لا صديقه وقريبه.
وبما هذا المنتدى محد يعرفني ولا اعرف احد راح اطرح لكم قصتي . واتمنى انكم تنصحوني لان احب كلامكم وارتاح له جدا.
بنات انا تزوجت في سن ال 20 من شخص عيشني انواع العذاب . وكان يسب على مذهبي وعلى اصحاب الرسول . وكانت امه تدخل بكل حياتي و24 ساعه عيونها بس عليا وين رحت وين اجيت .
واكثر من مره زعلت ورجعني وقلت يمكن يتعدل ويصير انسان محترم لاكن ماكو فايده. اخر شيء زعلت واتصلت على اهلي يجون ياخذوني . وقبل لا يجون اهلي ياخذوني قالي اذا طلعتي من هذا البيت ماراح ترجعين له .
المهم اجو اهلي وخذوني وطلبت الطلاق وتنازلت عن كل حقوقي. وتطلقت واهلي بصراحه كانو متفاهمين حالتي وتندمو كثير بعد ماتزوجت هذا الشخص.
تطلقت وخلصت منه وره طلاقي بستين حبيت ولد عمتي وهذا الشخص كان في بالي من ايام الطفوله .
ابتديت معاه بالكتابه عن طريق الماسنجر وبعدين تحولت مسجات واتصالات.
انا بالبدايه كنت بس مجرد تسليه لا اكثر وحاولت بقدر المستطاع اني اكون مجهوله بس كشفني وعرفني .
يابنات تعلقت فيه لدرجة 24 ساعه ماسكه تلفوني ماانام الا اسمع صوته واتطمن عليه واقعد على مسج منه .
وتمت هالعلاقه بينا 4 سنوات ونص . وللعلم هوايقيم في بلد اوربي وانا في بلد اوربي ثاني.
يعني كانت علاقتنا بس عبر الوسائل الاجتماعيه ماسنجر و واتس اب وتناغو.
المهم كل مااقوله تقدم لي يقولي هيا السالفه مو لعبه ابوي من انا وصغير قايل انه بنت عمي الي وبنت عمي اجو لها وايد خطاطيب وابوها الي منعهم عشاني وهم جدي قبل لا يموت اموصي وقايل فلانه حق فلان. .
قلت زين والحل ؟ قالي صبري ربنا قادر يفرجها . صبرت وتحملت . وانا شكثر ناس اجت تخطبني ورفضتهم على شانه . قلت الي يحب لازم يضحي .
وصل عمري ل 27 سنه واختي ماشاءالله الي اصغر مني تزوجت وعندها ولد .
وانا بعدني انتضر ولد عمتي إلي دمرني ودمر حياتي وبسببه اهملت دراستي وغضبت ربي وصار عندي نقص نضر كثر ماكنت 24 ساعه ماسكه التلفون واكتب معاه. وكان يتحجج مره يقول لي مره فيه ايدز ومره سرطان ومره يقولي في احد صديقي سني وخوش ولد ومحترم اذا ادزه لكم عشان يخطبج توافقين ؟؟
نعم؟؟؟؟
شنو الي انت قاعد تقوله المهم يابنات صار بينا خلاف على هالموضوع وانقطعت 3 اشهر بس حاولت ادوس شوي على قلبي ومشاعري عشان يحس شويه . ورجعت له جان يقول انا ملجت واعطيت مهر حددت العرس. وبعد اسبوع عرسي.
قال كل شيء بيد ربنا صار . بس ياولد الناس شلون مو انت الي اعطيت المهر وملجت بنفسك ورحت واشتريت الاثاث وجهزت. كله شيء سعيته بنفسك وسويته شلون تقول صار بيد ربنا.
وتزوج يابنات حرق قلبي وقهرني ولا بان بعينه ايامي واسنين الي ضحيت فيهم على شانه واهلي درو وانفضحت و ضربوني وكم واحد تقدم لي رفضته على عشانك وانت تدري بكل شيء كل هذا ما بان بعينك.
الحين يكتب لي عن طريق الايميل وانا كميه كبيره من القهر بقلبي اغلط عليه وادعي مااتحمل . ويحرق قلبي يقولي زوجتي ام بنتي الي جايه بعد كم شهر تسوى عندي بنات الدنيا كلهم. حسبي الله ونعمه الوكيل عليه .
ومن 3 اشهر تقدم لي واحد عمره39 سنه ماسبق له الزواج قبل مهندس ومثقف . واهلي وافقو عليه واملجو لان قلت لهم ماتفرق عندي سوه الي تبغونه انا مجرد انسانه جسد بلا روح وهما يشفونه شخص مناسب واحسن من الي الشباب الي تقدمو لي قبل.
بنات مو حاسه بالفرح ابدا وعرسي بعد العيد وانا للحين مو مجهزه ولاشريت اي شيء. ومو حاسبه نفسي عروس واني بتزوج مثل كل بنت.
ولا حتى متقبله شلون اتزوج شخص اكبر مني ب 12 سنه. احسه حيل كبير ولا عندي اي احساس وشعور اتجاه ولا احبه وحتى امه المسكينه تتصل فيني وانا ماارد عليها وساعات اهو يتصل وهم ماارد عليه.
حسبي الله ونعمه الوكيل على ولد عمتي خطف بسمتي وفرحتي ودمرني.
بنات احبكم حيل واحب كلامكم الي يبرد القلب شورو عليا شسوي؟؟. الله يرضى عليكم بردو قلبي بكلمة بدعوه .