بنات قطر الخبيرات في المطاعم .... سؤال؟؟

السلام عليكم ورحمة الله وبركاته

ممكن تساعدوني أخواتي في المطاعم العائلية اللي يكون فيها جلسات خاصة يعني بارتيشن ؟؟؟ بحيث الواحد يقدر ياخذ راحته في الأكل؟

لأني أنا منقبة وما أروح المطاعم المفتوحة ... أنا أعرف من المطاعم اللي فيها هالشي فينيسيا (كانوا حاطين ستاير تور خفيفة ..بس سمعت انهم فتحوا الجلسات على بعض الحين؟؟) ومطعم ديوانية البخاري (بس فيه دريشة صغيرة ما في إشكال أعطيها ظهري) ومطعم الربوة (مشكلته حاطين مناظر صغيرة على الأرض وفي السقف يعني إذا طل القرسون فوق يشوفك) ومطعم ذي جاردن شارع الكهرباء.... (أيضاً سمعت ان مطعم ليالي فيه بارتيشنات بس دايماً حاطين موسيقى وسمعت ان يروحون لهم أشكال غريبة فما ودي أروح وأنصدم)

أنا أدري أن للأسف بعض الناس يستخدمون هذه الأماكن لأشياء غلط، وعلشان كذا أغلب المطاعم ما عندها أماكن مفصولة (يا زين الرياض ... إذا المطعم فيه قسم عائلات مستحيل يكون خلط مثل عندنا في الدوحة ... كل مطاعمهم تكون مفصولة)

يا ليت اللي تعرف أي مطعم ثاني في الدوحة ستير ومحترم تدلنا عليه