بنات قطر اللي يدورون السفيداب..أنا أقول لكم وين تلاقونه؟؟

حبياتي وخواتي بنات قطر
صباحكم خير :D
أشوف يا حلوات ..البنات يدورون السفيداب ويروحون يشترونه من بنات في المنتدى بأسعار غالية..
والله ما يستاهل الأمر هالحوسة..
أنا أول ما سمعت عنه توقعت أحصله عند العطاريين الإيرانيين في سوق واقف بس كان توقع ضعيف..
وأنا أسأل البياع عندك سفيداب؟؟ توقعت يضربني باللي في يده ويقول : شنو هادا سفيداب.. حرمة مجنون؟؟
بس توقعي طلع فشوش..الشايب طلع كيس حجارة السفيداب بيضاء وحلوة وكل حجر مختوم بختم..
لا والأحلى السعر..ما توقعته رخيص كذا..
الكيس فيه ثمان حبات بعشرة ريال.. ويمكن لو فاصلته كان عطاني أرخص بس أنا من الوناسة خفت يغير رايه ويأخذهم مني.. واشتريت منه كيسين..

هالكلام كان قبل كم شهر يا بنات... لا وأبشركم ما أستخدمته إلا مرة وحدة
محسوبتكم كسوووووووووووووووووولة جدا
بس ناوية أستخدمهم الحين عشان ما يسود جسمي مع الحمل

يالله حبيباتي
قولو لأم عبادي: مشكورة يا قمر
:22: <===أقلبي وجهك يالسحلية أم ضروس