السلام عليكم ورحمة الله وبركاته
شلونكم يا بنات قطر..والله فرحتني دعوة الاخت أم ياسمينا للموضوع..يعطيها الف عافية ..وفرحتوني بزيادة عدد البنات القطريات في منتديات عالم حواء...
اول شيء يا بنات ودي انصحكم نصيحة لوجه الله ما ابي منكم شيء الا الدعوة ..
لاحظت يابنات ان (((حف الحواجب))) منتشرة بدرجة غير طبيعية بين البنات القطريات والدليل على هالشيء البنات اللي بالجامعة واللي اشوفهم بالصالونات والمجمعات..
وانا لولا محبتي لكن ما فتحت الموضوع وقلت كما يقول الكثيرات ((كلن عقله في راسه ويعرف خلاصه))
حبيباتي ..قال رسولنا المصطفي الحبيب((لعن الله النامصه والمستنمصه)) ليش يا خواتي تنطردين من رحمة الله عشان هالشعيرات اللي مضايقتج وعلى قولت الكثيرات ((مطلعه شكلي غلط))..اتعرفين شنو اللعنه يعني الطرد من رحمة الله ..يعني لو متي رحمة الله ما راح تنزل عليج وانتي تحتضرين ..
والحين صار فيه بديل احسن بمااااااااائة مرة من الحف الا وهو ((التشقير)) تدرين ليش احسن بماااائة مرة ...
لانج اولاً تركتي شيء لله وعوضج شيء احس من الحف اللي هو التشقير ..وارضيتي ربج قبل نفسج ..
حبيباتي ..وعشان ما تقولون ما فيه صالونات للتشقير ..راح اعطيكم اسم صالونين تعاملت معاهم في التشقير وكان تشقيرهم رووووووعه مثل الحف والعياد بالله من الحف..
صالون الحنان (موقعه في السد خلف سبلاش )
صالون ليال2 (موقع جنب الوراد المايل عل طريق الجامعة وانتي جايه من طريق الريان)
اتمني يا اخواتي تكون عزيمتكم و اصراركم اقوي من عزيمة ابليس وتنتصرون على هوي النفس ..وتبدئين من الشهر القادم بترك الحف (لوجه الله)..والله يا اختي ستحسين بسعـــــــــــــــــــادة لا توصف ..وهي رضي الله عليك..
ولا تنسين (من ترك شيء لله عوضه الله خيراً منه)
نروح لموضوع آخر
للاخت اللي سألت عن المدارس المطورة اقولها وبكل تأكيد تسجل ولدها بمدرسة عمر بن خطاب المطورة اللي في مريخ..وتحط في بطنه بطيخه صيفي مثل ما يقولون لانها ررررررررررررروعة ...
وللاخت اللي سألت عن محلات الستائر
في محل رغدان للستائر في شارع الاصمخ وهو فرع لكراوسن هاوس اللي في شارع سلوي ..شغلهم روووووعه..
وفيه الله يسلمج قصر الستائر ..غالييين بس شغلهم راقي...مقابل السنتر..
ومحلات الاثاث
نابكو حلووووو والرواق رووووعه
للديكور
محل اوسكار بشارع سلوي جنب مركز الاغدية
وللاخت سابرينا
انا تخصصي انجليزي تربية والكورس الجاي آخر كورس لي ولله الحمد
شوفي ياعزيزتي تخصص انجليزي لا سهل ولا صعب وطبعاً ما يبي له لعبه مثل الكثير من بنات الجامعه يروح وقت المحاضرات وهي قاعدة تسولف وتلعب في النشاط..
لو درستي اول بأول وتروحيني ترزين ويهج في الساعات المكتبية عند الدكاترة إن شاء الله بتكونين اي ستيودنت
احسن الدكاترة
للادب أحمد طه
محمد وجيه
ومندر حق الدراما(رئيس القسم) واحلي شيء لو كان عدد البنات اللي في المجموعة قليل وناااااسه تعيشين جو المسرحيات وهو طريقة شرحه روووعه ..طبعاُ ادا كان مكيف..
دكتورة منيرة المهندي رووووووعة ادب واخلاق واحترام
الدكتورة هيفاء (وع صراحة) ما تعرف تشرح والله يعيني ماخده عندها تعلم اللغة هالكورس ومهمومه شلون باصبر على هالكورس كله وياها ..برقد في المحاضرة..
دكتورة نور العيسي ما جربتها بس مثل ما سمعتي اكيد عصبيه ويقولون ادا احترمتي الكلاس وجيتي قبلها تصير سيييده وياج..
الدكاتره الزينين اللي طفشتهم الجامعه
فايز طه (يازين محاضراته وتقاديره)
عازم عساف (الاعمي ماشاء الله عليه قمة في الاحترام والدكاااااء)
سيليست (رووووعه بس ما تمت الا سنه وفنشوها حسبي الله عليهم )
بس هدا اللي ادكره الحين بخصوص الجامعه لا داومت ورجعت الداكره رديت لج..
بخصوص احسن صالون لتنظيف البشرة (جاك ديسانج) غالي بس رووووعه
قص تونس صالونها اسمه (جون اي بيل) جنب يونيك
سشوار (الماجدة)
مانيكر وباديكير(المشاطة) روووعه
حمام مغربي ما اسوي الا في بيتي لان فيه تكشف وإظهار للعورة ونصيحه يا بنات اشتري خيمة البخار والمنظفات من سوليز او النزية احسن لج واضمن واستر..
حف حلاوة انا تحف لي وحده تجيني في البيت مصرية حفها حلو ونظيف واستر لي في بيتي..
اما احسن وحده تمكيج بصراحة يا بنات انا ما اتمكيج الا عند نورة فهيد مكياجها روووووووعه واللي تبي رقمها انا حاضرة..استغربت انو ولا وحده دكرتها.. اما بالنسبة لمكياج عبير ودينا دفشششش بصراحة ..
سعاد البلوشي تمكيج عندها في عرسي ..ومكياج فاديا حلووو بس للامانة انا ما ارتاح الا لنورة فهيد احس انها تعرف تبرز جمال العيون ومكياجه ما عليه كلاااام ابد.
احسن محل للفطاير الاليزية في سوق الخليج
وللحلويات ركن الشكولاته في السد
وسوق واقف يا بنات اكتشفت فيه من وراء محل يبيع شوكلاته رووووووعه تفاجأت بصراحة انه موجود في سوق واقف..
اما بالنسبة للبيتي فور فيه وحده قطرية سليطيه تسوي بيتي فور عجيييييب زبدة اول ما تاكلينه يدددوب في فمج..
مو مال كندور اللي جنه حصاه
فيه وحده مدحت بيتي فور كندور اقولها غلطانه بصراحة جنه حصاه ما ينمضغ وما ينبلع
احسن شيء في كندور شوكلاته كافاريل
وصار له فرع بروح منفصل عن كندور ارخص شوي في سوق بن طوار اللي عند دوار التلفزيون رووووعه شوكلاتهم..
احسن محل ورد كازا فلورا في شارع سلوي وادا مستعجله جيرابيرا ..
احسن محل للكيك البتيل بدوووووون منازع وخاصه كيكة المنجا رووووعه ..
وبخصوص الاخت اللي سألت عن المشاتل انا سويت بيتي حشيش غولف رووووووعة وينبت بسرررعه غير طبيعيه خلال عشرة ايام .. المحل اللي سوالي اياه مشتل قريب من السوق المركزي جنب العمانيين اللي هناك..الاسم هو مشتل فلورنزا العالمية ..رقمهم 4699982
احسن منجرة سوت لي ابواب البيت منجرة عبدالنور....بصراحة شغلهم ررروووعه شوي عليه ..ما تلاقين شغلهم في اي مكان ..بصور لكم الابواب قريب وبحاول احط لكم في هالموضوع ..والستاير بعد عشان تكمل ..
بخصوص الاخت ام ام ياسمينا
سألتي عن اخصائية تغدية ..على حظج انا بكرة عندي موعد مع اخصائية تغدية في مستشفي حمد ..وبقولج شراح يصير وياي ..طبعاً انا اخدت تحويل من المركز الصحي اللي انا تابعه له ورحت وخديت موعد من الطابق الثاني في العيادات الخارجية ..
جربت اخصائية التغدية اللي في مركز القمة بس مدري شقولج ما استمريت وياها لان جسمي تعود على ريجمها وثبت وزني للاسف ..شوفي انا وزني الحين 65 وطولي 153 وقالتي لي الاخصائية اني لازم اطيح من وزني 15 كيلو خبرج عقب الحمل والولادة انتفخت ..والحين راح ابدأ وياها الريجيم ..والله يساعدني لين اضعف ودي ارد مثل اول في الخمسينات يعني ترا لو وزني بيوصل 55 بحمد ربي ..ادعي لي بس..
بنات ابي اسألك عن دورات للمكياج ودي اخد دورة اتعلم احط الميك اب عدل..اللي تعرف مكان عدل وستير تقول لي..
اووووه تعبت من الحكي..
بس والله حلوووه الجلسه وياكم يا بنات قطر..
اسأل الله ان يريكم الحق حقاً ويرزقنكن اتباعه ..ويريكم الباطل باطلاً ويرزقكن اجتنابه ..والله يستر علينا ويعفو عنا ويصلحنا ويثبتنا على دينه..
لكم تحياتي
ام فرفور
السلام عليكم ورحمة الله وبركاته
شلونكم يا بنات قطر..والله فرحتني دعوة الاخت أم ياسمينا...
وابغا اعرف مراكز تعلم المكياج .. وش رايكم بنعمة اليافعي اللي بمركز الريم ؟؟ يقولون فنانه ...