ام ياسمينا
بما ان ولدك قريب من عمر ولدي الله يحفظهم من الشر امين , ايش تقترحين اشتري له افلام تناسب عمره وحسيتي ولدك انبسط عليها ؟

بنات
في وحدة من البنات مدحت لنا محل تصوير , اي مكان تذكرون , ادور الصفحة صار لي فترة , بس ما لقيتها , ما شاء الله الموضوع صار غني بالسوالف الحلوة .

um hissa
محل التصوير اعتقد عند جاكادي او الريفيرا على ماذكر
واعتقد اني اعرفج انتي و Miss:ButterFly ...بس الله اعلم من تكونون!!!
بالنسبة للاشرطة فاحلى شي بارني وسيسم ستريت...وحاولي تاخذين بارني التعليمي احسن لان اشوف ولدي يحب بارني في المدرسة وفي واحد ثاني فيه الارقام والاحرف او اللي في حديقة الحيوانات هاي احلى اشرطة بالنسبة له(طبعا اشتريهم بالانجليزي وتلقين بالعربي بس الانجليزي احلى بعد تجربة))وخذيت له بارني شريط منوع ماعجبه كلش ولايشوفه بس يحب الاشياء التعليمية..بالنسبة للبنت اشتري لها تيلي تبيز وحتى ولدج اكيد بيشوفه معاها بس تيلي تبيز يعجب الصغار على عمر السنة اكثر..وفي عندج توينيز حلو ونفس طريقة تيليزتبيز
بس اذا حبيتي يشوف اشرطة حلوة مو في السوق شوفي مكتبة المعهد البريطاني والحين جايبين دي في دي جداد واشياء وايد حلوة..وحتى الفيديو عندهم nursery rhymes
تشد الاطفال وايد لان كل الاشرطة فيها اطفال او اطفال ويا اهلهم يغنون ويرقصون فيخلي الطفل يكتسب ويحفظ الكلمات والاغنية بسرعه ..هذا اللي عندي الحين ولما اتذكر ان شاء الله بقول لج...

الحلوه من الدوحة
مشكورة بس النادي الاهلي بعيد علي..وبعدين خلاص بسجله من اول السنة احسن

مرحبااااااااا بنات..

اليوم توني متفرغة ياية الحين.. مادخلت من الصبح.. لأني كنت أجهز شنطتي وشنطة البيبي عشان البحرين..
:42:
باودي أغراضها من الحين وباخليهم هناك.. لاعاد انا بعد حتى لو اروح جم يوم اخذ معاي الكبت كله.. حتى لو ما البسهم.. مادري ليش هالطبع اللي فيني.. والحين بعد علمت زوجي على هالطبع.. :p

حتى مرة لما كنا بنروح كويت جم يوم.. عاد سكرتير زوجي اللي ودا شناطنا.. والا احنا شنطتين كبار كلش وشنطة صغيرة "حق شناطي طبعا".. عاد السكرتير يقو حق ريلي.. هالسفرة بس حق كويت؟؟ عاد ريلي عرف الموضوع.. وقال له اييييييه.. ماتعرف سوالف الحريم؟؟ :35: وسوا روحه ان الاغراض كلها لي!!! بط جبدي لكن!! :07: :08:

وخبركم الحين باروح البحرين 10 أيام.. يعني اشياااااء وااااااااايد.. باااال.. كل ساعة أذكر شي.. "مع ان أغراض وايد عندي اياها هناك" بس شنسوي.. مانعرف نودي أغراض على قدنا..

نصفي الثاني:
تره في غلوسات من ديور روووووووووعة مايجيبونه الا في الاسواق الحرة.. واااااااايد حلوين.. يجونج معصرة.. خمس مع بعض.. اسمهم.. Dior Kiss
الوااانهم ولا اروع.. كل من يسألني عنهم.. ويطلب اجيب لهم.. لأني وايد اسافر بين البحرين والدوحة..

وهم اكو تشكيلة ثانية من ديور اديبت.. هم هذيلة حللويييييييين.. وايد ناشيورال.. :33:

وهم من فترة شريت من لانكوم مجموعة السفر.. خمس الوان شادو وااايد حلوين.. أخضر ووردي على احمر "المفضل عندي" وأزرق وبني.. واصفر.. مع مسكرة لانكوم الصغيرة.. مع لونين روج.. "لكن انا ما استخدمهم".. ومع لونين بلاشر.. يهبلووون.. واحد وردي فاااااااتح والثاني شوي أغمق.. بس بصراحة وااايد حلوين.. وحتى اختي هم طلبت اجيب لها منه..

وحبيبتي لو تروحين قسم الميك اب المجموعات.. اللي ماتنزل الا في الاسواق الحرة بتلقين الوااان رووووووووووعه.. واشكال اروع.. بس لايغرونج الروجات من غيرلان.. يجونج ثلاث روجات في علبة ولونهم ذهبي.. والوااانهم ولا أروع.. لكن المشكله انا لما اخذتهم ماكان في تستر.. وطاحو في جبدي.. كلش مو حلوين.. ولا يعكسون الالوان اللي حاطينها على العلبة.. وكلش غااااااااااااااااامجين حييييييييييييييييييييييييل...

وعلى فكرة.. ترة السوق الحرة اللي في قطر ارخص من اللي في البحرين.. بس في البحرين فيها تشكيلات أكثر..

يعني خلي بو العيال يستريح.. وانتي دووووري على راحتج.. ليما ينادونكم.. :27:

الحلــــ* قمر*ــــوة
ابي اسالج عن محل الذهب اللي في السوق الحرة هو نفسه اللي في مجمع العالي؟؟؟
انا اتعامل مع واحد في مجمع العالي اسمه ديفي جي على ماظن وامي تقول ان في شغلات ذهب وايد حلوة وفخمه في السوق الحرة فمادري هو فتح هناك او هاي محل ثاني؟
على فكرة ذكرتيني مرة كنا رايحين ايطاليا وانا ماخذه شنطتين كبار وزوجي وحدة ولما وصلنا مطار روما الا مافي عربه حق الشناط وللازم تشيلينها وتدزينها بنفسج!!!!!!!
اه لو شفتوا المنظر طبعا زوجي سحب 2 وانا وحدة لكنها ثقيله ومابي اقول لكم ان المطار كله كلاب بوليسية وطبعا انا امشي واصارخ واقط الشنطة كل شوي...وتدرين لما خذنا السواق مال الفندق الا يقول ممنوع احط اكثر من شنطنتين...طبعا تهاوشنا معاه وقلت له يعني انا وين اخلي ثيابي؟؟ وكان معاند معانا((كبع الايطالين عموما كريه)) بس في الاخير تمينا نعاند وقال ان الشركة بيسجلون عليه مخالفة قلنا له احنا بندفعها.. تدرون هم متعودين على شنطة الظهر كفايه