قوة بنات شخباركم ولهت عليكم وعلى سوالفكم

حبيت أسلم بس

مبروك

ام ياسمينا اما عن ايطايا و الشنط نصييحه لكم يابنات لاتكثرون !!

والله في مطار فينس كنا جايين من لندن وماعندنا الا باوندات و دولارات و طبعا يورو بس ماعندنا فكه !!

والعربه لازم فكه و محد يبي يخرد لنا !!!!!!!!

والله ومسكين ريلي يجر شنطتي و شنطته ماااااااااااااااات !!!

لين ما الله رحمنا وواحد عطانا جاريه لانه سيارته قريبه :)

وطبعا من المطار للفندق بطراد مافي سيياير في فينس


انا كللللش حق عرسي ماشريت ذهب ...

الا حق ليله الحنا طبعا خذت طقم كامل مع الحزام و الطاسه بعد

وكل الاطقم الباقيه من شبكتي و الاطقم اللي جاتني مع الشبكة كلهم الماس

ماداني الذهب....ممكن البس الماس على ذهب..مو شرط الماس و ذهب اابيض

ام حصه...جاكادي يبيع قطع سجاد و ستاير...بس طلبيه وااايد حلوين...وورق حائط بعد :)

وعن الخدامات....ترى انا يكسرون خاطري خداماتي....انا من النوع اللي البسهم عادي .. يونيفورم مرتب كحلي بنطلون و قميص..وللعلم خيرتهم شاللي يحبونه .. بنطلون او جلابيه..ففضلو البنطلون...

وين يبيعون يونيفورمات كشخه هني...؟؟

انا امي جابت لي كم واحد من الكويت حق الخدم بس اابي بعد..

نصفي الثاني..

اعتقد ان عندهم في السوق الحرة كلارنس.. لأني أشوف ميك اب.. بس كريماتوهالاشياء.. مدري والله..

وبالنسبة للخدم..
انا البس خدامتي يونيفورم.. وماحب تلبس جلابية.. أحس اليونيفورم وااايد ارتب وتخلي الوحدة تشتهي شغلها وتحس ان بيتها نظيف..
انا دايما اسويلها خياط مو جاهز.. لأن بصراحة الجاهز يجيج القميص ليما الركبة.. انا اتعامل مع انتغرال "Entegral" .. اللي عند دوار المطار بجانب السفير.. وااايد شغل مرتب..

وبالنسبة للذهب.. انا هم ماحبة ولا اشتريه لي.. احب الذهب الابيض اكثر.. ولعرسي ماشريت ولا طقم ذهب اصفر.. وانا اصلا بعد ماسويت حنة.. وحتى لو مفكرة اسوي.. الوالدة ماتقصر.. عندها الاطقم الكبيرة.. المرتعشة وكرسي جابر.. وهالسوالف.. واحس ان هالذهب للكبار اكثر مايكون للصغار.. "يعني احنا"..
وانا اشتري الذهب الاصفر بس للهدايا.. لأن الوحدة حتى لوماعجبتها هديتي ومو من ذوقها تقدر تبيعها.. او تبدلها وفيها سعرها..

وتره الحين الذهب الاصفر اللي دارج.. يعني اللي عندها حفلة او تبي طقم يديد تاخذ الاصفر مع الالماس.. رووووووووووووعة..