محل عسكر عنده أسعار على قولته صيفية .... شرايكم فيه بنات ؟ من وين اشتري اغراض المطبخ ؟

مرحبا بنات اوبالاحرى حريم اشحالكم عساكم بخير؟؟؟؟
بخصوص مستشفى حمد بصراحه اللي ما ادان فيه الدكاتره اللي يولدون االمره ويسولها جراحه هذا اللي ما يعجبني فيه,,,,بصراحه ولدي اللاول ربيته في مستشفى حمد والثاني في الامارت واللي ربيته في الامارت كان مريحني لانه العنايه ok مضبوطه ومفكره بالثالث اربيه في الامارات ...........

يا جماعه انا سجلت في مركز الماسه حد مسجل فيه من قبل؟؟ وايش سمعتو عنه انشاء الله تمام ومنه فايده
واللي سجلو من قبل ايش تنصحوني اسجل ثلاث اشهور لان عندهم عرض حلو 3 شهور ب 1000 ولا شهر كفاية؟؟؟؟

الولاده وما ادراك ما الولاده ... :(

انا عندي بنت وولد الله يخليهم لي ... بس والله تعبت وشف الويل في ولاداتي..

بنتي ولدتها في قطر بعد معاناه طلق يومين في المستشفى في الاخير قيصريه ...
وولدي ولدته في بريطانيا وشفت المووت لما ولدته لاني ولدته طبيعي والمفروض قيصري ...
ولما طلبت القيصري في ااخر لحظه على بالي بيعطوني ويه نفس ولادتي في بنتي في قطر قالوا مستحيل نخاطر ... خوافين الانجليز لانه اذا صاار شي يخافون نرفع عليهم قضيه او شي ...
وولدي تعب بس اهتمام المستشفى بالطفل غير عادي ... لدرجه اول ماودلته عطوتي تقرير كامل بحالته ... والله لما جبت التقرير هنيه قطر بعد سنه من ولادتي تدرون شقالت الدكتوره لي ... قالت والله الانجليز كانوا صريحين معاكم وايد وقالوا لكم حاله الطفل ... لان ولدي جاته اصابه في كفته اثناء الولاده ..
قلت لها طبعا لان انتوا تخشووون هالحالات ومحد يدري عنها

والله في عياده العلاج الطبيعي التابعه لحمد ( حذى مستشفى حمد )
الدكتور بنفسه قالي .. ان اغلب الحالات الي عندنا هي اخطاء اثناء الولاده ... يعني اطفال فيهم اصابات في يدهم من تعسر الولاده او اعاقات
بس ما يعلمون الام بحاله الطفل خاصه اذا عند خلع في يده ....
والام مسكينه اتم لافه ولدها في مهاده لين 3 شهور .. وبعدها يمكن تكتشف ويمكن ماتكتشف ان ولدها فيه شي ... بس طبعا النتيجه ان الطفل عضلات يده المصابه تموت او تذبل ...

والله نصيحه مني لكم .. الي تربي تشوف الياهل ولاتهمل شي ...
لان اغلب اصابات الاطفال يمكن تتجنبونها من الاربعين ..نفس حاله ولدي الله يحفظه ....

والله الدكتور لما شاف ولدي طبعا هالكلام من 4 سنوات
قالي وين كان ياخذ علاج طبيعي قلت له في لندن قال انا اقول بعد لان هالحالات ماندري عنها الا بعد سنه وتكون اليد خلاص ماتتتتتتتتتتحححححححرك
الله يجيركم يارب .... ويبعد عنكم الشر

لاتلوموني ... والله قلبي محترق على عيالي وعلى ولاداتي لاني اذوق الموت والله فيهم ...

والحين حامل وابي قيصريه .. لان ولادتي الاخيره عطوني تقرير باني ماقدر اولد الا قيصري ...
تخيلوا هنيه الدكاتره شقالوا لي ....

دكتوره قطريه قالت لي في اول حملي بعد ما قرت التقرير ... قالت ماتحتاجين لقيصريه وان شاء الله بترتاحين مع التيم مالنا .. الي يسمع يقول انا بشتغل معاهم :30:

ودكتوره سميره للاسف لما فتحت لها الموضوع >>>> فيني لقافه
قالت لا كل حمل يختلف عن الثاني ... :( وبنشوف لين نهايه الحمل شبيصير

عشان جذيه بحاول بالقيصريه واذا ماوافقوا بضطر اني ادور خاص
مابي هالطفل بعد اتعب معاه نفس تعبي والله النفسي مع ولدي الله يحفظه
ومارتحت الا لما صار عمره سنتين وتطمنت انه بخير ...

ادري ان ماعندي سالفه .. وقلبت السالفه حزن X حزن





بنات رفيجتي تقولي انها تعرف وحده ولدت في العمادي وتقول رحت لها امس ... الولاده ب 7 اظن بس هي يمكن سوت خياطه تجميليه
تمدح المكان يجنن والعناااااايه روووووووووووووووووووعه
هذا كلامها والله اعلم ...

حد سمع عن العمادي والولاده فيه ...

مرحبا يا بناااااااااااااات.. وحشتوني ووحشتني سوالفكم..

باستا مشكورة حبيبتي على سؤالج وعلى كل من سأل عني..

الله يحفظ قطر ياااارب ويحفظ اهلها..


فديت بناتي...
بخصوص الحلاوة الاحجار الكريمة تره حتى المهباج اللي بحياة بلازا اللي في المخازن الكبرى هم يبيعه.. انا قبل لا اسافر شفته عنده.. وبخصوص الطعم هو تقريبا مثل سمارتيز.. يعني بداخله كاكاو.. ادري تو الناس على الرد بس يالله توني داخله.. خخخخخخخخخخ

وبخصوص الولادة قلتي انج ولدتي بعيادة الدوحة عند اي طبيب؟؟ انا سمعت ان د.عمر أبو زينب يولد هناك بس يمدحونه.. لكن مدري بعد..

انا راح اولد في البحرين في المستشفى التخصصي.. يمدحونه والله.. لكن بعد الولادة باقول لكم الاخبار.. :)

باستا..

حبيبتي بخصوص خياط لولوة.. اذا مارحتي ليملحين ومقررة انج تروحين انا راح ادليج.. والله يعينج على دلالتي.. انتي لما تكونين عند مجمع غرناطة.. تروحين الى الدوار وتلفين يو تيرن "فوق تحت" بيكون مجمع منصور على ايدج اليمين صح؟؟ راح تدخلين اللفة اللي بعده مباشرة يعني الفريج اللي قباله.. وهناك راح تلاقين مغسله اسمها اللولوة.. ويمه كافتيريا او مشويات انطاكيا.. بيكون الخياط هناك.. يعني بلفة يمهم.. وحتى لو مادليتي روحي المغسله وهو بيقول لج وين.. وانشالله عاد تفيد الدلاله..
<<<<<بحرينيه تسوي نفسها تدل الدوحة... !!!

والله انا خاااااااااااااايفة على زوجي..
عنده سفره بيروحها بكرة انشالله الى اليابان.. واليوم صاير هزة هناك بقوة 7 درجات.. وانا ميته خوف عليه واهو يقول لي "قل لن يصيبنا الا ماكتبه الله لنا" لكني اقول له مو انك تروح لعندهم وتقول جذي.. والبيبي قاعده تضرب فيني من مساااعه.. ادري عشان لاني انا احاتي.. فهو قال لي يمكن اكنسلها.. بس انا احاتي يمكن يقول جذي عشان اهدأ بس.. شاسوي؟؟ وايد خايفة؟؟؟

عموما بنات لقيت في البحرين محل يسوي اغراض الياهل والام بعد الولادة روووووووووووووعه.. اللي بتروح البحرين وحامل ولها خاطر تشوفه تقول لي وانا ادليها واقول لها شنو اسمه..