يا بنات الخير ساعدوني حياتي صارت جهنم
بسم الله الرحمن الرحيم
الصلاه والسلام على نبينا محمد وآله وصحبه أجمعين

الســـــلام وعليــــكم ورحمــــة الله وبركــــــــاته

أنا تزوجت وعمري 17 سنه من يومها عندي أشكثر مشاكل وياه. يا بنات من طفواتي إنحرمت من كل شئ أمي مسيحيه و أوبوي شيعي أمي الزوجه الثانية وأصلها باكستانية كل وا أبوي سافر مان يخليني عند مرته الأولى كانوا يعذبوني وايد يخلوني مثل الخدامه بدون أكل أو شئ مره أخوي الكبر حاول يعتدي علي وشردت من عندهم ورحت عند باب بيتنا و تميت يومن عند باب بتنا لين ما رجع أبوي من السمر بس للأسف محد صدقني في وقتها كنت بس 6 سنين. أبوي من النوع المتشدد ممنوع الطلعه ممنوع صديقات ممنوع أزور عيال عمي حتى. المهم كبرت وتعود على الوحده كانت ممله بس مافي أمل. لما سرت 16 أمي طرشتني عند أخوي لأدرس الجامعه في أمريكا مايمديني أكمل سنه قال أبوي لازم ترجعين وتتزوجين بسج دراسه. المهم رديت ورفضت 94 واحد وأنا ما أهل أبوي لأنهم قاسيين علي. أنا أحب السمر وأنا بييييييييييضه رحت لأنترفيو وواحد إنعجب فبني وهو أسمر بعد بعد 3 أيام أتصل لي وسألني تتزوجيني كان يموت فيني حتى عيشني في جنه كان طيب موءدب خلوق رومنسي للآخر درجه كل شئ عطاني. بعد 15 يوم طلب يدي من أبوي وأبوي كان رافض الفكرة لأنه أسمر تم كل يوم يجي عند أبوي ويطلب يدي ويترجاه لين ما وافق الوالد لأن كل ما مرضت جاني المستشمى ودفع كل الفواتر فقال أبوي هذا أكيد يحبها ووافق أخيراً جوا هله وخطبوني وملجنا بإذن الله هو من السنه ودخل علي لليلة الملجة لأن في الشيعة أنا أعتبر زوجتة بعدها بدت المشاكل. زوجي كان متزوج 6 قبلي بس مافي إلا وحدة في ذمتة فلبينيه و كبيره في السن جدة ماخذها متعة قال لي بيطلقها تمين شذي فتره وهي ماتدري شئ عن السالفه فأنا أتصل فيها لأنه مايبيها مايشوفها حتى وقلت لها كل شئ وراح المحكمه وطلقها طلقه قال لي خلاص ما عادت في ذمتي. هو صج مايشوفها بس بغدها في ذمته مر أسنين وأنا وهو دائماً نتهاوش لأنه مديون وهله مايدرون عنا أنه دخل علي. ويبون عرس بعد سنه سوينا عرس ماعطاني مهري وكل مصاريف العرس علي وهله بسبب أديونه قلت له خلاص أبيع كل الذهب إلا أمي عطتني إياه وخذيت قرض من البنك 350 ألف وخذيت له سيارة مافي شئ ما سويتة له. والله أنا أسبحه بيدي أمسده بيدي أسويله بديكير منيكير بنفي. أطبخ له بعد ماجي من الدوام أكوي ملابسه كل أنا ماعندنا شغاله أبي أوفر عليه. مايحبني مايحب أي شئ أسويله أهدية هدايه يعصب ويطقني مانعني ألبس مانعني أتعطر مانعني حتى أسبح بصابون معطر. الملابس إلا أنام فيه نفس الشئ أداوم فيه. ممنوع مكياج ترى كل هذا بس في الغرفه له بعد يقول لي لا والله أحترت معاه سنه 2 ونص ما حملت وكانت عندي مشاكل كثيره مع زوجي وصلت لدرجة الضرب...والله مافي شئ ماسويته منظار-كي-منشطات-أبر-جربت كل أنواع الأعشاب الأدويه وبعد فترة وصتني وحده لمساده وعطني دعء الحاجه والحمد لله حمل وفي شهري الخامس صار خلاف صغير بيني وبين زوجي وصار فيها أيادي بلغلط ضربني على بطني بدون قصد تألمت شوي ونسيت الموضوع لأن تراضينا بس بعد يومن صار عندي ألم غير طبيعي خذاني مستشفى الولاده فحصو علي وأكتشفت إني 4 سانتي مفتوح ولا إلا زادة أنا عندر رحم ذو القرنين (على شكل قلب) فسولي ربط وتميت شهر كامل في المستشفى ممنوع الحركه والمشي ولا شئ فجاءة بعد شهر كنت في شهري السادس صابني نزيف فأطرو يفتحولي الربط بدون بنج بدون شئ عشان مايأثر على الجنين تميت أطلق فيه من الساعه 6 الفجر لين 1 و45 في الليل قريب الفجر والله فرج علي رزقني بولد تم في ال NICU العنايه للأطفال القاصرين بس ما تمت فرحتي حلمت 3 أيام بعد ما ولدت أنه في العنايه وأنا وقفه جمبه فتح الشيشه و تم يبوس فيني وايد وايد وأنا خايفه أن الممرضه لا تشوفه فقلت دش قبل ماتشوفك الممرضه ما سمع كلامي فسألته ليس تتصرف شذي أنت رايح مكان فضحك بس وقمت متفزعه من النوم ماحطيت الحلم على بالي لأن قلت أكيد كان في خاطري أبوسه فحلمت شذي بعد 8 أيام كان يوم الجمعه وأنا في بيت أمي يتصل زوجي يحن علي أنروح عشان أنشوفه مادري ليش قلبي ما كان يطاوعني أروح قريب صلاه العصر رحنا يوم دخلت شفت الممرضات والدكاترة ملتمين حوليه فز قلبي من الخوف أول ما بديت أمشي صوبه منعني الدكتور قالي حالته صعبه صابه فيروس في الدم وقلبه ضعيف جداً مافي أمل غير الدعاء تميت واقفه أصيح وأدعي ماني عارفه شو أسوي بعد ربع ساعه وقف نفسه جدام عيوني مات ولدي الولد إلا لو جبت مليون واحد مايتعوض مكانه مات وأذن العصر كان نسخت أبوه أللهم الون مكس والشعر شعري وهذا إلا تمنيته كل الأشهر أجابل صوره زوجي و بس. تدرون أخترنا 4 أسامي له راشد - مشعل - عبدالرحمن - فيصل وكنا حيرانين شو نختار قال لي زوجي عندي فكره خذي مله حطي ماي أكتبي الأسامي وأقري آيه الكرسي والمعوذات وخليه لساعه ما أستوى شئ المهم تركته في غرفتي اليوم إلا توفى فيه ولدي قبل ما أروح له فتحته لجل أكت الماي وأجط الاوراق لقيت أسم عبدالرحمن فوق والباقي في قاع المله فقررت أفاجء زوجي اما أنروح أنشوفه أناديه أبو عبدالرحمن بس الله ما كتب. بعد كم من يوم أنا وزوجي تخالفنا على العيال وأنا بعدي ما طلعت من الأربعين كنت مثل المجنونه ما نام أحلم فيه أقعد مع ألبوم صوره (صور الألتراسوند) وأصيح فقال لي زوجي الله حلل 4 ولازم أنزيد المسلمين إذا ماتقدرين أتيبين بتزوج عليج فكلمت الدكتور وقال لي 3 أسابيع من يوم ولادتي في أحتمال تكون في حمال وحملت حمد لله وسويت ربط في شهري الثالث وحمد لله عندي ولد الحين وسميناه حمد تاريخ 2-26 راح يكمل 6 شهور. على كل شئ صغير يعصب يضربني ويطلع برع البيت. أشكل لايكون متزوج علي أستحمل كل شئ إلا هذا. أحبه من أعماق قلبي أكتب له رسايل حب مافي فايدة. كلمت هله مافي فايده ساعدوني يا بنات بموت من الضيقة هذا ولا شئ من إلا سواه فيني. كنا ساكنين في شقة سنه كامله وأنا أدفع الأجار سويتله وايد أشياء هم ما جات بعينة قولولي شو أسوي. أحبه وهو بعد بس ليش يعاملني شذي مادري....

أبي مساعدتكم أرججججججججججججججججججججججججججججججججججوكم


هو عذبني وايد هذا شئ بسيط من إلا سواه فيني

الحلوه قمر مشكوره حبيبتي مافي شئ ماسويته له الله يشهد أشكث أحبه وأعزه هو مره مب رمانسي أنا العكس وكل شئ نختلف عليه شو أسوي زهقت والله...

بض الحروف143الجديد
انا بصراحة ماكنت متوقعة المشكلة جذي.. كل اللي اقدر اقوله الله يعينج ويعين ولدج.. بس انتي ليش تبين تحملين مادام انتي متعذبة معاه؟؟ انتي صغيرة.. انا مابي اقول لج تطلقي.. لأن ابغض الحلال عند الله الطلاق.. لكن ابي اقول لج استحملي بعد شوي.. لأن هذا اللي انتي كنتي تبينه.. وانا ما الومج.. الوم اللي يلومج.. كنتي صغيرة وظروفج خلتج تتعلقين فيه.. وتغضين النظر عن اي عيب فيه.. كونه متزوج 6 مرات.. يعني الريال مزواج.. ويحب التغيير.. ويبي زوجته تكون بس زوجه.. والباقي متعه وتغيير.. شنو نقدر نقول؟؟

والله اخاف اقول لج رايي واكون غلطانه.. والله بعد مايرضى الوحدة تظلم نفسها.. وتظلم عيالها.. يتخيل لي وايد يتمنونج.. لكن مو معقولة تعيشين طفولة جذي وتخلين عيالج يعانونها.. انا اقول صبري.. لاتحملين.. والله فيني غصة ابي اقول لج تطلقي.. لكن.. ماقدر.. وانا اسفة وعذريني.. انتي اقري القرآن واستعيني بالله.. وحاولي تقررين بين شيين.. الحمل مثلا او عدم الحمل.. واستخيري ربج.. تمي تستخيرينه ثلاث ايام.. وشوفي الحل..

انتي كلمتي ابوج عن زوجج انه يضربج؟؟ لازم تقولين لأحد من اهلج.. لان الله مايرضى الزوج يضرب زوجته.. وانتي ما اعتقد انج فاسقة..

وهم ماعتقد انج تحبينه.. الا لأنج عشتي طفولتج وحيده وكان فتى احلامج الاسمر ولقيتيه.. خاصة وانج كنتي بهالعمر.. عذريني على صراحتي وجفافي.. وعذروني كلكم.. لكن انا ماعتقد انج تحبينه.. ولا اهو يحبج.. الحب اسمى من جذي.. الحب انه يخاف عليج اكثر من خوفه على نفسه.. او انه ان كان يحبج.. اكيد فيه شي نفسي مخليه يضربج.. ويعاملج جذي.. انتي مو من واجباتج تسوين له البوديكيور والمنيكيور.. انتي زوجة.. تسوين له هالشي عشان الحب مو عشان يرضى عليج.. والغيرة اللي فيه يخليج ماتتعطرين له ولا تتزينين له.. يؤكد ان نفسيته تعبانه.. او ان في شي من وراج يسويه ويخاف تكونين منهم.. او تنفتح عينج على اشياء وايد..

انا اسفة اذا زدت الطين بله.. بس احنا لازم نواجه المشكله.. مانضعف جدامها.. وقد اكون بلا خبرة كافية تخليني اقول هالشي.. لكني على يقين وخبره لدراستي مقررات من علم النفس... و ... التفرغ التام يوميا لمدة ساعتين او اكثر لمدة سنتين ونصف اناقش مواضيع علم النفس مع د. عمر هارون الخليفة.. عشان كنت ابي اواصل دراسات عليا في علم النفس.. وهذا بصراحة اللي تعلمته من هالعلم الواسع.. ادري درايتي مو كامله.. ولا كافية.. بل يمكن تفيد..

وانا وايد مهتمة بالموضوع.. وباسأل مشايخ.. ابوي يعرف شيوخ دين واااايد.. واصدقاءه كلش.. باسألهم انشالله.. وبارد عليج..

مشكوره الحلوه قمر أنا نفسيتي تعبانه والله كل يوم يطلع لي بشئ سامحوني إذا أزعجتكم بمشكلتي. إذا حملت يلين قلبه شوي علي و يحن لي وإذا مو حامل يقول بتزوج عليج شو أسوي. أحياناً يعيشني في جنه وأحياناً أخس من جهنم سامحوني إذا غلط في شئ.

:27: الحلوة قمر
شخبارك شخبار البحرين ان شاء الله مستانسه
رحتي السعوديه ولالين الحين اذا رحتي سلمي على حي الجسر (بيت اهلي هناك)قولي ياحي الجسر ام شاهين تسلم عليك
خعععععععععععععععععععع
انتي بتمين لين تولدين ولابترجعين قطر (الله يهون عليج)